गुवाहाटी, 02 अक्टोबर (हि.स.)। असमकी स्टार बक्सर लवलिना बोरगोहाईले जापानमा आयोजित एशियाली खेलहरूमा 75 किलोग्रा भार वर्गमा स्वर्ण पदक हत्याउन सफल भएकोमा असमका मुख्यमन्त्री डा. हिमन्त विश्व सरमाले खुशी व्यक्त गरेका छन्। मुख्यमन्त्रीले लभलिनालाई गोल्डन गर्ल को संज्ञा दिँदै उनको उपलब्धिमा बधाई दिए।

मुख्यमन्त्रीले सोशल मिडिया प्लेटफर्म फेसबुकमा पोस्ट साझा गर्दै भने, आत्मविश्वास, अडिग मनोबल एवं दृढ संकल्पको साथमा लभलिनाले देशका लागि एशियाली खेलहरूमा स्वर्ण पदक जितेर एक पटक फेरि अन्तरराष्ट्रिय मञ्चमा भारतीय तिरङ्गालाई गर्वले फहराएकी छन्। , असमकी छोरी लवलिनाले आफ्नो जन्मदिनको दिन देशका लागि स्वर्ण पदक जितेर यस दिनलाई अझ विशेष बनाएकी उनले बताए।

मुख्यमन्त्रीले भने, लवलिना, आज तिम्रो यस जीतमा असम गर्वित भएको छ, भारत गर्वित भएको छ। तिम्रो यस गौरवमय जितको लागि हार्दिक बधाई।” उनले भने, लवलिनाको यो उपलब्धि भारतीय बक्सिङको इतिहासमा एउटा सुनौलो अध्यायको रूपमा दर्ता हुनेछ।

उल्लेखनीय छ, लवलिना बोरगोहाईको शुक्रवार जन्मदिन पनि हो। मुख्यमन्त्रीले बिहानै उनलाई जन्मदिनको शुभकामना दिएका थिए। यता, एक दिनअघि लभलिनाका आमा-बुवाले मिडियासित बातचित गर्दै आशा गरेका थिए, उनकी छोरीले स्वर्ण पदक जित्दै आफूलाई सबैभन्दा ठूलो जन्मदिनको उपहार दिनेछिन्।

लवलिनाले स्वर्ण पदक जितेको खबरपछि असममा खुसीको लहर आयो। यस उपलब्धिमा राज्यका खेलकुद प्रेमी तथा सर्वसाधारणले खुसी व्यक्त गर्दै उनलाई बधाई दिएका छन्।

--------

हिन्दुस्थान समाचार / उष्णता छेत्री शर्मा