रायपुर, 20 अक्टोबर (हि.स.)। मुख्यमन्त्री विष्णुदेव सायले आज राजधानी रायपुरमा ताड़ोकी-रावघाट तथा अभनपुर-कुरुद ब्रोडगेज रेल लाइनको उद्घाटनमा भाग लिनेछन्। यस अवसरमा रावघाट-रायपुर एवं रायपुर-कुरुद नयाँ यात्री रेल सेवाहरू पनि शुरु गरिनेछ। योसँगसँगै रायपुरमा विद्युतीय रेल इञ्जिन मर्मत सुविधाको शिलान्यास गरिनेछ। केन्द्रिय रेलमन्त्री अश्विनी वैष्णव भिडियो कन्फरेन्स मार्फत कार्यक्रममा सहभागी हुनेछन्।

उल्लेखनीय छ,दल्लीराझरादेखि रावघाटसम्मको लगभग 1,628 करोड़ रुपियाँको लागतमा 95 किलोमिटर लामो रेल लाइन निर्माण गरिएको छ। ताडोकीदेखि रावघाटबीच 17.5 किलोमिटर रेल लाइन पूरा भएपछि यो महत्त्वपूर्ण परियोजना सम्पन्न भएको छ। रेल जडानको स्थापनाबाट यस क्षेत्रका नागरिकहरूलाई यातायातको निम्ति ठूलो सुविधा प्राप्त हुनेछ। साथै लौह अयस्कको यातायात, औद्योगिक गतिविधि र व्यापारलाई पनि बढ़ावा दिने अपेक्षा गरिएको छ। अभनपुरदेखि कुरुदसम्मको 22 किलोमिटर लामो रेल लाइनको गेज रूपान्तरणको काम पूरा भइसकेको छ। यसले राजधानी रायपुरमा यात्रुहरूको आवागमनलाई सहज बनाउनेछ। यसैबीच, कुरुद-धमतरी रेल खण्डमा बाँकी काम प्रगतिमा छ।

कार्यक्रममा रायपुरमा विद्युतीय रेल इ़ञ्जिन मर्मत सुविधाको शिलान्यास पनि गरिनेछ। यस सुविधाको विकासले भविष्यमा 300 वटा उच्च हर्स पावरको विद्युतीय रेल लोकोमोटिभहरू कायम राख्ने क्षमता विकास गर्नेछ। यसले रेल सञ्चालनलाई अझ सहज बनाउन र राज्यमा रेल पूर्वाधारलाई बलियो बनाउन मद्दत गर्नेछ।

हिन्दुस्थान समाचार / उष्णता छेत्री शर्मा