बिष्णुपुर (मणिपुर) 22 अक्टोबर (हि.स.)। मणिपुरमा जातीय हिंसा भएपछि राहत शिविरमा बस्दै आएका आन्तरिक रूपमा विस्थापित एकजना 30 वर्षीय व्यक्तिको बिहीवार साँझ मृत्यु भयो। मृतकको पहिचान टोङ्गब्राम इबुङ्गो मेइतेईको रूपमा भएको छ। उनले मोइराङ्ग कलेज ब्लक बी राहत शिविरमा शरण लिएका थिए।
आधिकारिक सूत्रबाट प्राप्त जानकारी अनुसार इबुङ्गो मेइतेईले बिहीवार साँझ मोइराङ्ग सामुदायिक स्वास्थ्य केन्द्र (सीएचसी)- मा अन्तिम सास फेरे। उनी स्वर्गीय टी इबुङ्गथेन मेइतेईका छोरा र फोगाकचाओ इखाई अवाङ्ग लिकाईका बासिन्दा थिए।
पछिल्लो वर्ष 2023-मा मणिपुरमा जातीय हिंसा भड़्किएपछि उनी राहत शिविरमा बस्दै आएका थिए। उनको मृत्युको कारण अहिलेसम्म ज्ञात हुन सकेको छैन।
मृतकको शवलाई पोस्टमर्टम गर्नको लागि क्षेत्रीय चिकित्सा विज्ञान संस्थान (रिम्स)- को शवगृहमा राखिएको छ। मोइराङ्ग पुलिसले यस सम्बन्धमा मुद्दा दर्ता गरेको छ र मृत्युको कारण पत्ता लगाउन थप अनुसन्धान शुरु गरेको छ।
--------
/ बिशाल
