गान्तोक, 23 अक्टोबर (हि.स.)। मुख्यमन्त्री प्रेमसिंह तामाङले केरलाका लागि मनोनीत राज्यपाल ओमप्रकाश माथुरसँग केरलाको तिरुवनन्तपुरमस्थित पवित्र श्री पद्मनाभस्वामी मन्दिरमा दर्शन तथा पूजाअर्चना गरेका छन्।
मुख्यमन्त्री तामाङले आज सामाजिक सञ्जालमार्फत मन्दिरमा दर्शन गर्न पाउनु आफ्नो लागि सम्मानपूर्ण र सौभाग्यपूर्ण अनुभव रहेको बताएका छन्। उनले भगवान् श्री पद्मनाभस्वामीको पूजा गरी दिव्य आशीर्वाद प्राप्त गर्न पाउँदा आफूलाई धन्य महसुस भएको उल्लेख गरेका छन्।
यस पवित्र अवसरमा मुख्यमन्त्रीले सिक्किमका जनताको शान्ति, समृद्धि र कल्याणका साथै राज्यको निरन्तर प्रगति, सुख र सद्भावका लागि प्रार्थना गरेको बताएका छन्।
उनले भगवान् श्री पद्मनाभस्वामीको दिव्य कृपाले सिक्किमका जनताको सदैव मार्गदर्शन र रक्षा गरिरहोस् तथा सबैको जीवनमा आशा, शान्ति र समृद्धि छाइरहोस् भन्ने कामनासमेत व्यक्त गरेका छन्।
हिन्दुस्थान समाचार / बिशाल
