इम्फाल, 0९ अक्टोबर (हि.स.)। मणिपुरको इम्फाल पूर्व जिल्ला स्थित न्यू लम्बुलेन क्षेत्रमा बिहिवार राति अज्ञात उपद्रवीहरूले गरेको ग्रिनेड आक्रमणमा द्रुत कारबाही बल (आरएएफ) का एक हेड कन्स्टेबल सामान्य घाइते भएका छन्।

स्रोत अनुसार, बिहिवार राति लगभग 1० बजी अज्ञात आक्रमणकारीहरूले बी/१०७ आरएएफको प्रवेशद्वारमा ग्रिनेड प्रहार गरेका थिए। यो घटना पोरोमपत पुलिस थाना अन्तर्गतको क्षेत्रमा भएको हो। घाइते जवानको पहिचान उत्तर प्रदेश निवासी हेड कन्स्टेबल धनञ्जय रायका रूपमा गरिएको छ।

घटनाको उद्देश्य अहिलेसम्म स्पष्ट हुन सकेको छैन। आक्रमणमा संलग्न व्यक्तिहरूको पहिचान समेत हुन सकेको छैन। पुलिसले घटनाबारे अनुसन्धान गरिरहेको छ। घटना सम्बन्धी विस्तृत विवरण आउन बाँकी छ।

हिन्दुस्थान समाचार / भवानी थामी