
जम्मू, २१ नोभेम्बर (हि.स.)। बिदा बिताएर आफ्नो पोस्टिङ स्थलतर्फ फर्किरहेका एक सैनिकको शनिवार बिहान जम्मूको मुख्य बस स्ट्याण्ड नजिकै शंकास्पद अवस्थामा शव फेला परेको छ। मृतकको पहिचान ३१ वर्षीय सञ्जीत सिंहका रूपमा भएको छ। उनी रामबन जिल्लाको चन्द्रकोट क्षेत्र अन्तर्गत धार गाउँका निवासी थिए।
अधिकारीहरूले बताए अनुसार, सैनिक बिदा बिताएर गुरदासपुर जाँदै थिए, जहाँ उनको पोस्टिङ थियो। शनिवार बिहान ५ः४० बजी सैनिकको शव जम्मू बसपार्क नजिकै बीसी रोडमा फेला परेको थियो। पुलिस टोलीले घटनास्थलमा पुगेर शवलाई पोस्टमार्टमका लागि सरकारी मेडिकल कलेज (जीएमसी) अस्पताल लग्यो।
सैनिकको परिवारमा उनकी पत्नी, दुई छोरा र एक छोरी छन्। पुलिसले घटनाको अनुसन्धान शुरु गरेको छ भने थप जानकारीको प्रतीक्षा भइरहेको छ।
/ बिशाल