सिलगढ़ी, 03 नोभेम्बर (हि.स.)। बाबरी मस्जिदको स्थापना दिवसमा राष्ट्रिय राजमार्ग-34 अवरुद्ध गर्ने विधायक हुमायुँ कबीरको धम्कीमाथि भाजपाले कड़ा कदम चालेको छ। मङ्गलवार केन्द्रिय मन्त्री सुकान्त मजुमदार र राज्यरा पर्यटन मन्त्री शङ्कर घोषले उनलाई कानुन पालना गर्न सल्लाह दिएका छन्। यता शङ्कर घोषले हुमायुँ कबीरमाथि चर्को टिप्पणी गर्दै उनलाई राजनीतिमा अप्रासङ्गिक बताएका छन्।

हुमायुँ कबीरले आइतवार बेलडाङ्गाबाट घोषणा गरेका थिए, बाबरी मस्जिद स्थापनाको दिन मुर्शिदाबादको रेजिनगरदेखि बहरमपुरसम्म लगभग 30 किलोमीटर राष्ट्रिय राजमार्ग-34 लाई किलोमिटर अवरुद्ध गरिनेछ। उनले प्रशासनलाई चुनौती दिँदै भनेका थिए, पुलिसमा दम छ भने उनलाई रोकेर देखाओस्।

यसमा केन्द्रिय मन्त्री सुकान्त मजुमदारले भने, राष्ट्रिय राजमार्ग अवरुद्ध गर्नु भारतीय दण्ड संहिता अन्तर्गत अजमानती अपराध हो। उनले यस्ता गतिविधिबाट टाढ़ा रहन विधायकलाई अपील पनि गरे। उनले मस्जिदको नाम बाबरको सट्टा अर्को व्यक्तिको नाममा राख्ने सल्लाह समेत दिए। यसैबीच पर्यटन मन्त्री शङ्कर घोषले चर्को प्रतिक्रिया व्यक्त गर्दै भने, हुमायुँ कबीर राजनीतिमा अप्रासङ्गिक छन् र त्यस्ता व्यक्तिहरूलाई डस्टबिनमा फ्याँक्निदिनुपर्छ। उनको यस किसिमको बयानमाथि राजनीतिक क्षेत्रमा चर्चा चुलिएको छ।

हिन्दुस्थान समाचार / उष्णता छेत्री शर्मा