रिम्बीका प्रभावितहरूको राहत तथा पुनर्स्थापनाका लागि स्टेट ब्याङ्क अफ सिक्किमद्वारा १० लाख रुपियाँ सहयोग
गान्तोक, 07 नोभेम्बर (हि.स.)।
मुख्यमन्त्री प्रेमसिंह तामाङले रिम्बीमा राहत तथा पुनर्स्थापनाका कार्यहरूका लागि मुख्यमन्त्री राहत कोषमा १० लाख रुपियाँ सहयोग प्रदान गरेकोमा स्टेट ब्याङ्क अफ सिक्किम (एसबीएस) प्रति हार्दिक आभार व्यक्त गरेका छन्।
सामाजिक सञ्जालमार्फत आफ्नो प्रतिक्रिया व्यक्त गर्दै मुख्यमन्त्री तामाङले यस उदार सहयोगका लागि ब्याङ्कप्रति कृतज्ञता प्रकट गरेका छन्।
उनले यस कठिन घडीमा रिम्बीवासीहरूसँग ऐक्यबद्धता जनाउँदै सहयोगको हात बढाएकोमा स्टेट ब्याङ्क अफ सिक्किमको विशेष सराहना गरेका छन्। साथै, प्रभावित नागरिकहरूको राहत तथा पुनर्स्थापनाका प्रयासमा ब्याङ्कले पुर्याएको सहयोगको पनि प्रशंसा गरेका छन्।
---------------
हिन्दुस्थान समाचार / बिशाल
सम्बन्धित समाचार
