कोलकाता, 18 मार्च (हि.स.)। चुनाउ आयोगसे यसै सप्ताह अतिरिक्त मतदाता सूची जारी गर्नसक्छ जसमा 20 लाख मतदाताहरूको स्थिति स्पष्ट हुनेछ। यी मतदाताहरूको सत्यापन प्रक्रिया पहिला नै पूरा भइसकेको छ।

आधिकारिक सूत्र अनुसार नयाँ सूचीमा कुन-कुन मतदाताहरूको नाम मतदाता सूचीमा रहन्छ र कुन-कुनको हटाइन्छ त्यो प्रष्ट हुनेछ। यो कदम त्यस व्यापक सत्यापन अभियानबीच उठाइँदैछ जसमा 60.06 लाखभन्दा अधिक मानिसहरूलाई विचाराधिन श्रेणीमा राखिएको छ।

कलकत्ता उच्च न्यायालयद्वारा नियुक्त न्यायिक अधिकारीहरूले यी मतदाताहरूको दस्तावेज जाँच गरिरहेका छन्। दस्तावेजको सत्यापनको आधारमै यो तय गरिनेछ कि कुन मतदाता वैध हुन् र कुन अवैध।

सूत्र मुताविक गए मंगलवारसम्ममा 21 लाखभन्दा अधिक मतदाताहरूको रेकर्ड जाँच तथा समाधान गर्ने काम गरियो। पहिलो अतिरिक्त सूचीमा यीमध्ये लगभग 20 लाख मतदाताहरूको स्थिति स्पष्ट हुनेछ।

यस सम्बन्धमा मंगलवार कलकत्ता उच्च न्यायालयमा एक उच्चस्तरीय बैठक सम्पन्न भयो जसमा मुख्य न्यायाधीश सुजय पाल, मुख्य सचिव दुश्मन्त नारियाला, गृह सचिव संघमित्रा घोष, पुलिस महानिदेशक सिद्धनाथ गुप्ता, मुख्य निर्वाचन अधिकारी मनोज अग्रवाल तथा विशेष पर्यवेक्षक सुब्रत गुप्ता उपस्थित थिए।

सूत्रले बतायो, अतिरिक्त सूची आगामी शुक्रवार वा शनिवार जारी हुनसक्छ। यस अतिरिक्त सूचीमा सामेल नरहेका मतदाताहरूलाी न्यायपालिका अधिनस्थ विशेष न्यायाधिकरणमा अपील गर्ने अवसर दिइनेछ। सर्वोच्च न्यायालयको निर्देश अनुरूप यी न्यायाधिकरण गठन गर्ने तयारी भइरहेको छ। आगामी दुई-तीन दिनभित्रमा यसको संरचनालाई अन्तिम रूप दिइनसक्छ।

हिन्दुस्थान समाचार / उष्णता छेत्री शर्मा