कोलकाता, 19 मार्च (हि.स.)। राष्ट्रिय मूल्यांकन एवं प्रत्यायन परिषद (न्याक) को मान्यतालाई लिएर पश्चिम बंगालका उच्च शिक्षण संस्थानहरूको कार्यशैलीमाथि गम्भीर प्रश्न खड़ा भएको छ।
बुधवार राज्यसभामा सरकारको तर्फबाट दिइएको एक लिखित उत्तर अनुसार, राज्यका तीन प्रमुख विश्वविद्यालयहरू- रवीन्द्र भारती विश्वविद्यालय, गौर बंग विश्वविद्यालय र कल्याणी विश्वविद्यालयको न्याक मान्यताको अवधि समाप्त भइसकेको छ।
पश्चिम बंगालका संसद सदस्य तथा केन्द्रिय शिक्षा राज्यमन्त्री डा. सुकान्त मजुमदारले यी विश्वविद्यालयहरूको मान्यता 2021 मा समाप्त भएको बताए। आश्चर्यजनक कुरा के छ भने यी संस्थाहरूले अझै पुन: मान्यताको लागि आवेदन दिएका छैनन्।
सरकार अनुसार, उच्च शैक्षिक संस्थाहरूको लागि न्याक मान्यता महत्त्वपूर्ण छ, किनकि वित्तीय सहायता, स्वायत्त स्थिति र विश्वविद्यालय अनुदान आयोग (यूजीसी) अन्तर्गतका अन्य शैक्षिक सुविधाहरू यससँग जोड़िएका छन्।
मन्त्रालयले स्पष्ट पारेको छ, यूजीसीले यूजीसी अधिनियमको धारा 12बी अन्तर्गत मान्यता प्राप्त संस्थाहरूलाई मात्र अनुदान दिन्छ र यस उद्देश्यका लागि न्याक मान्यता अनिवार्य छ।
विशेषज्ञहरूको भनाई छ, राज्यका प्रमुख विश्वविद्यालयहरूले न्याक मान्यता गुमाउनु उच्च शिक्षाको गुणस्तर र प्रशासनिक जवाबदेहितामाथि गम्भीर प्रश्न उठाउँछ।
हिन्दुस्थान समाचार / भवानी थामी
