आसनसोल, 29 मार्च (हि. स.)। जामुड़िया थानाको केंदा चौकी क्षेत्रमा लगातार भइरहेको ट्रान्सफर्मर चोरीका घटनाहरूले सम्पूर्ण क्षेत्रमा भय अनि तनााउ फैलाएका छन्। ताजा मामिला कुनुस्तोरिया कोलियरी परिसरमा भएको छ।

प्राप्त जानकारी अनुसार कुनुस्तोरिया कोलियरी परिसरमा गए शनिवार अबेर राती लगभग 20–22 जना सशस्त्र उपद्रवीहरूले हमला गरेर लुटपाट गरे। उपद्रवीहरूले सबैभन्दा पहिला त्यहाँ उपस्थित सुरक्षा कर्मी र पम्प अपरेटरमाथि हमला गरेर उनीहरूलाई बन्धक बनाए। त्यसपछि पम्प हाउसमा जड़ान गरिएको ट्रान्सफर्मरबाट मूल्यवान उपकरण तथा धातुहरू साथै चालू लाइनको केबल काटेर मोटो केबल पनि लिएर भागे।

यसरी चोरी भएको यो पहिलो घटना होइन। यसअघि पनि केंदाको शालडांगा पम्प पाउस अनि चिचुड़िया क्षेत्रमा यस किसिमको लुटपाट भइसकेको छ। लगातार भइरहेका यस्ता घटनाहरूबाट स्पष्ट भइरहेको छ, अब अपराधीहरूको लागि ट्रान्सफर्मर सहज लक्ष्य बन्दै गइरहेको छ। आइतवार बिहान यो घटना प्रकाशमा आउनसाथ सम्पूर्ण क्षेत्रमा सन्त्राष फैलियो।

श्रमिक संगठनहरूले यस घटनालाई सुरक्षा व्यवस्थाको ठूलो विफलता बताएका छन्। उनीहरूको भनाइ छ, यस हमलामा पम्प अपरेटरको ज्यान पनि जान सक्थ्यो। उनीहरूले ईसीएल प्रबन्धनसित सुरक्षा व्यवस्थालाई सशक्त बनाउने, संवेदनशील क्षेत्रहरूमा सुरक्षा कर्मीहरूको संख्या बढ़ाउने तथा नियमित गस्ती गर्ने माग गरेका छन्। घटनालाई लिएर पुलिसमा लिखित सिकायत दर्ता गरिएको छ।

हिन्दुस्थान समाचार / उष्णता छेत्री शर्मा