आसनसोल, 31 मार्च (हि.स.)। आसनसोल नर्थ विधानसभा सीटबाट भाजपा उम्मेद्वार कृष्णेन्दु मुखर्जीको नामांकनसितै उनको हलफनामामा दिइएको जानकारीले केही महत्वपूर्ण कुराहरूको खुलासा गरेको छ।

हलफनामा अनुसार वर्ष 2015-16 देकि वर्ष 2019-20 बीच कृष्णेन्दु मुखर्जीको औसत वार्षिक आय लगभग 8.59 लाख रुपियाँ थियो भने उनकी पत्नीको आय 6.91 लाख रुपियाँ थियो। 21 फरवरी, 2020-मा भाजपामा साममेल भएपछि वर्ष 2020-21 देखि वर्ष 2025-26 को अन्तरालमा उनको औसत आय घटेर 5.41 लाख रुपियाँ पुगेको छ बने पत्नीको आय घटेर 4.91 लाख रुपियाँ पुगेको छ।

आय घटे पनि उनीहरूको सम्पत्तिमा वृद्धि दर्ता गरिएको छ। मुखर्जीसित लगभग 54.41 कड़ोर रुपियाँको चल सम्पत्ति छ भने उनको नाममा केही अचल सम्पत्तिहरू पनि छन्। उनीमाथि लगभग 2.03 कड़ोर रुपियाँ ऋण छ। उनकी पत्नीसित 2.49 कड़ोर रुपियाँ चल सम्पत्ति र 1.17 कड़ोर रुपियाँ अचल सम्पत्ति छ। उनकी पत्नीमाथि लगभग 1.86 कड़ोर रुपियाँ ऋण छ।

वाहनहरूको कुरा गर्नु हो भने कृष्णेन्दु मुखर्जीसित एउटा दुई चक्के वाहन छ जसलाी उनले पछिल्लो वर्ष 2021-मा खरिद गरेका थिए भने उनकी पत्नीसित एउटा i10 कार छ। आभूषणको मामिलामा मुखर्जीसित केही सुन-चाँदी र अन्य गहनाहरू छन् भने उनकी पत्नीसित 4.23 लाख रुपियाँको गहना छ।

हलफनामामा यो पनि उल्लेख गरिएको छ, उनीविरूद्ध 15 वटा आपरादिक मामिला दर्ता छन्। यी सबै मामिला वर्ष 1997-2019 सम्मको छ जसमा हत्या, रंगदारी, चोरी, डकेटी जस्ता गम्भीर आरोपहरू सामेल छन्। यीमध्ये 13 वटा मामिला हीरापुर थानामा, एउटा बुदबुद थाना र एउटा अंडाल थानामा दर्ता छन्। क्षेत्रमा उनको छवि एकजना बाहुबली नेताको रूपमा रहेको बतािएको छ।

हिन्दुस्थान समाचार / उष्णता छेत्री शर्मा