सिलगढ़ी, 31 मार्च (हि.स.)। सिलगढ़ी महकुमाको फाँसीदेवा क्षेत्रमा भोटर लिस्टबाट ठूलो संख्यामा मतदाताहरूको नाम काटिएकोमा विवाद गहिरिएको छ। यहाँका बूथ लेभल अफिसर (बीएलओ) सहित 322 जना मतदाताहरूको नाम सूचीबाट काटिएको छ जसले गर्दा स्थानीय मानिसहरूमा व्यापक आक्रोश फैलिएको छ।

जानकारी अनुसार बुढ़ारू गाउँको 27/219 नम्बर बूथमा मोठ भोटर संख्या 892 थियो। पहिलो पूर्ण सूची जारी भएपछि 344 जना भोटरहरूको नाम ‘जाँचाधिन’ श्रेणीमा राखिएको थियो। भर्खरै जारी भएको दोस्रो सप्लीमेन्ट्री लिस्टबाट 322 जना भोटरहरूको नाम हटाइएको छ भने 22 जना नयाँ भोटरहरूको नाम जोड़िएको छ। सबैभन्दा अचम्भको कुरा के छ भने यस बूथका बीएलओको समेत सूचीमा नाम छैन।

नाम हटाइएको विरोधमा स्थानीय मानिसहरूले मंगलवार सड़कमा टायर बालेर प्रदर्शन गर्दै आफ्नो आक्रोश व्यक्त गरे।

प्रदर्शनकारीहरूले चेताउनी दिएका छन्, यदि उनीहरूको नाम पुनः सूचीमा सामेल नगरिए उनीहरूले मतदान नै बहिष्कार गर्नेछन्। उनीहरूको भनाइ छ, वर्ष 2002-को भोटर लिस्टमा नाम दर्ता भए पनि तथा पुरानो दस्तावेज देखाउँदा पनि उनीहरूको नाम काटिएको छ। यस घटनाको कारण क्षेत्रको माहोल तनाउपूर्ण भएको छ।

हिन्दुस्थान समाचार / उष्णता छेत्री शर्मा