मङ्गन, 31 मार्च (हि.स.)। मङ्गन जिल्लामा जनगणना २०२७ का लागि आजदेखि प्रशिक्षण कार्यक्रम शुरू भएको छ। मङ्गन जिल्ला प्रशासनिक केन्द्रमा आयोजित प्रशिक्षण अन्तर्गत पहिलो सत्र जङ्गु महकुमालाई लिएर सम्पन्न गरियो। प्रशिक्षको उद्देश्य गणनाकर्ता र पर्यवेक्षकहरूलाई सही र कुशल तथ्याङ्क सङ्कलनका लागि आवश्यक सीप र दिशानिर्देशहरू प्रदान गर्नु रहेको थियो।
जनगणना एक महत्त्वपूर्ण राष्ट्रिय अभ्यास भएकाले यसले नीति योजना, स्रोत विनियोजन र शासनमा महत्त्वपूर्ण भूमिका खेल्छ। सबै क्षेत्रीय कार्यकर्ताहरूलाई राम्ररी प्रशिक्षण प्रदान गर्न र निर्धारित मापदण्डहरूको अनुपालन सुनिश्चित गर्न जोड दिइयो।
प्रशिक्षण सत्रहरू जिल्ला जनगणना अधिकारी एवं डीसीएसओ पाल्देन लाचुङपा, महकुमा अधिकारीहरू, खण्ड विकास अधिकारीहरू, एसआईआरडीका संकाय सदस्यहरू र जनगणना कार्यालयका प्रतिनिधिहरूसहित जिल्ला अधिकारीहरूद्वारा सञ्चालन गरिँदैछ। उद्घाटन सत्रमा जिल्लापाल अनन्त जैन, एडीसी पेमा वाङछेन नामकर्पा, एसडीएम जङ्गु गिडियन लेप्चा आदि उपस्थित थिए।
प्रशिक्षण निर्धारित कार्यक्रम अनुसार जिल्लाका अन्य महकुमाहरूमा सञ्चालन गरिनेछन्। जिल्ला प्रशासनले सबै सम्बन्धित अधिकारीहरूलाई जनगणना सञ्चालनको सफल सञ्चालनको लागि कडाइका साथ अनुपालन र सक्रिय सहभागिता सुनिश्चित गर्न आग्रह गरेको छ।
हिन्दुस्थान समाचार / बिशाल
31 Mar 2026