सिरसा, 07 मार्च (हि.स.)। सिरसा जिल्लाको डबवाली शहरमा एक महिलाको गला रेटी हत्या गरिएको छ। अपराध गरेपछि अभियुक्त भाग्यो। जानकारी पाएपछि पुलिसले घटनास्थलमा पुगेर शवलाई डबवाली सिभिल अस्पताल लग्यो, जहाँ शनिवार पोस्टमार्टम गरेपछि शव परिवारलाई सुम्पियो। मृतक सुमन आफ्ना पति विक्रमसँग भाड़ाको घरमा बस्दै आएकी थिइन्। सुमनको एउटा छोरा पनि छ।

शुक्रवार राति विक्रम घर आए र आफ्नो छोरालाई सय रुपियाँ दिए र केही खानेकुरा किन्न भने। उ फर्किँदा उनकी आमा रगतमा लतपतिएको अवस्थामा थिइन् र विक्रम घरबाट हराएका थिए। छोरा घरधनी कृष्ण कुमारसँगै घटनास्थलमा पुग्दा सुमनको शव आँगनमा लड़ेको थियो। उनले छिमेकी र पुलिसलाई घटनाको बारेमा जानकारी गराए। पुलिसले घटनास्थलमा पुगेर शवलाई आफ्नो कब्जामा लिएर सिभिल अस्पताल पुर्यालयो, जहाँ डाक्टरहरूले उनलाई मृत घोषित गरे। पुलिसले मुद्दा दर्ता गरिएको र अनुसन्धान भइरहेको बताएको छ।

हिन्दुस्थान समाचार / भवानी थामी