लुरिनज्योति गोगोईको आवासमा पुलिसको खानतलासी
गुवाहाटी, 10 अप्रेल (हि.स.)। चुनाउ प्रक्रिया समाप्त भएपछि असममा असम जातीय परिषद (एजेपी)- का अध्यक्ष लुरिनज्योति गोगोईको आवासमा पुलिसले खोजी अभियान संचालन गऱ्यो जसबाट राजनीतिक जगतमा खैलाबैला मचिएको छ।
प्राप्त जानकारी अनुसार यो कारबाही खुमटाई विधानसभा क्षेत्र अन्तर्गत बरपथार गदापानीस्थित गोगोईको आवासमा गरिएको हो। पुलिसद्वारा यो खोजी अभियान संचालन गर्न पछाड़िएका कारणहरूको आधिकारिक रूपमा खुलासा गरिएको छैन।
लुरिनज्योति गोगोईका परिवारले आरोप लगाएका छन्, खोजी अभियान अवधि पुलिसले अत्यधिक बल प्रयोग तथा उत्पीड़न गऱ्यो। उनीहरूको भनाइ छ, यस कारबाहीले गर्दा भय अनि तनाउको माहोल सृजना भएको छ।
तथापि पुलिसको पक्षबाट अहिलेसम्म यस सम्बन्धमा आधिकारिक बयान जारी गरिएको छैन।
हिन्दुस्थान समाचार / उष्णता छेत्री शर्मा
सम्बन्धित समाचार
14 Apr 2026
