गुवाहाटी, 10 अप्रेल (हि.स.)। असमका मुख्यमन्त्री डा. हिमन्त बिस्व सरमाले विश्वास व्यक्त गरेका छन्, राज्यमा सम्पन्न विधानसभा चुनाउमा भाजपा नेतृत्वाधिन गठबन्धनले 90 वटाभन्दा अधिक सीट हासिल गर्नेछ। उनले भने, यसपालि राज्यभरिकै मतदाताहरूले अभूतपूर्व उत्साहको साथमा मतदान गर्नेछन्।

भाजपा मुख्यालयमा बितेको राति मीडियासित बातचित गर्दै मुख्यमन्त्रीले भने, हिन्दू बहुल क्षेत्रहरूसँगसँगै अल्पसंख्यक बहुल क्षेत्रहरूमा पनि मानिसहरूले ठूलो संख्यामा मतदान गरे। गए राति मीडियासित बातचित गर्दै मुख्यमन्त्रीले भने, हिन्दू बहुल क्षेत्रसँगसँगै अल्पसंख्यक बहुल क्षेत्रहरूमा पनि मानिसहरूले ठूलो संख्यामा मतदान गरे। उनले दाबी गरे, यसपालि असमियाको पहिचानको रक्षाको मुद्दामा मानिसहरूले निर्णायक मतदान गर्नेछन्।

मुख्यमन्त्रीले कंग्रेसमाथि चर्को हमला गर्दै भने, गौरव गोगोईलाई यस चुनाउमा कड़ा टक्करको सामना गर्नुपर्नेछ। उनले गोगोईको राजनीतिक प्रतिबद्धतामाथि प्रश्न उठाउँदै उनको निजी र सार्वजनिक व्यवहारलाई लिएर पनि आलोचना गरे।

उनले कंग्रेस नेता पवन खेड़ालाई पनि लक्षित गर्दै भने, गुवाहाटीमै उपस्थित रहेको दाबी गरे पनि उनले बिहान चाँड़ै राज्यबाट गए। सरमाले कंग्रेसलाई “कायरहरूको पार्टी” बताउँदै भने, उनको व्यवहारमा कमजोरी झल्किन्छ।

आफ्नो चुनावी अभियानको उल्लेख गर्दै मुख्यमन्त्रीले भने, उनले 300भन्दा अधिक जनसभाहरूलाई सम्बोधन गरे। साथै उनले कंग्रेस नेता देवब्रत सौकिया र रिपुन बोरामाथि पनि प्रश्न उठाए कि आफ्नो निर्वाचन क्षेत्रदेखि बाहिर व्यापक प्रचार किन गरेनन्।

हिन्दुस्थान समाचार / उष्णता छेत्री शर्मा