गुवाहाटी, 10 अप्रेल (हि.स.)। असम राज्य स्कूल शिक्षा बोर्डले शुक्रवार (एचएसएलसी) परीक्षा- 2026 को परिणाम घोषणा गऱ्यो जसमा 65.62 प्रतिशत छात्र उत्तीर्ण भएका छन्। परीक्षामा सामेल 4,29,249 छात्रहरूमध्ये 2,81,701 छात्र सफलतापूर्वक उत्तीर्ण भए।

यो परीक्षा गत 10-27 फरवरीसम्म आयोजना गरिएको थियो भने परिणाम 10 अप्रेलमा प्रकाशित भएको छ। मोठ 4,38,564 विद्यार्थीहरूले परीक्षामा सामेल हुनका लागि आवेदन गरेका थिए जसमध्ये 9,315 अनुपस्थित रहे, 135-लाई परीक्षा प्रक्रिया अवधि निष्कासित गरियो तथा पाँचजनाको परिणाम रोकिएको छ।

परीक्षामा सामेल हुनेहरूमा 1,86,468 छात्र र 2,42,781 छात्राहरू थिए। प्रदर्शनको मामिलामा छात्रहरूको उत्तीर्ण प्रतिशत 67.78 रह्यो भने छात्राहरूको 63.96 प्रतिशत।

आँकड़ा अनुसार 85,189 छात्रहरूले प्रथम श्रेणी हासिल गरेका छन् जसमध्ये 3,983-ले डिस्टिंक्शन र 13,681-ले स्टार मार्क हासिल गरेका छन्। समग्रमा 1,50,167 उम्मेद्वार द्वितीय श्रेणीमा र 46,345 उम्मेद्वारहरूले तृतीय श्रेणी हासिल गरेका छन्। विभिन्न विषयहरूमा 99,062 उम्मेद्वारहरूले लेटर मार्क हासिल गरेका छन्।

डिमा हसाओ 88.23 उत्तीर्ण प्रतिशतसितै सबैभन्दा राम्रो प्रदर्शन गर्ने जिल्लाको रूपमा उदाएको छ जसपश्चात शिवसागर 84.08 प्रतिशत औ डिब्रुगढ़ 78.46 प्रतिशतसितै दोस्रो स्थानमा अनि कछार जिल्लाको उत्तीर्ण प्रतिशत सबैभन्दा 49.13 प्रतिशत रह्यो।

हिन्दुस्थान समाचार / उष्णता छेत्री शर्मा