-'महिला आरक्षण बिल राजनीतिक सशक्तिकरणको दिशामा अहम कदम, महिलाहरूमा नयाँ उत्साह छाउनेछ'

रायपुर 10 अप्रेल (हि.स.)। भारतीय जनता पार्टी (भाजपा)-की राष्ट्रिय उपाध्यक्ष एवं विधायक लता उसेण्डीले शुक्रवार भनेकी छन्, प्रधानमन्त्री नरेन्द्र मोदीले आगामी 16 अप्रेलको दिन लोकसभाको पटलमा महिला आरक्षण बिल लिएर आइरहेका छन् जुन महिलाहरूको राजनीतिक सशक्तिकरणको दिशामा महत्वपूर्ण कदम हो र यसबाट महिलाहरूको जीवनमा ठूलो परिवर्तन आउनेछ। सुश्री उसेण्डीले भनिन्, महिलाहरूको सहभागिता बढ़ाउनु प्रतिनिधित्वको विषय मात्र होइन, यो हाम्रो लोकतन्त्रलाई अधिक संवेदनशील, अधिक सन्तुलित र अधिक उत्तरदायी बनाउने प्रयास हो।

भाजपा राष्ट्रिय उपाध्यक्ष लता उसेण्डीले भनिन्, सेप्टेम्बर, 2023-मा संसदले सर्वसम्मतिले नारी शक्ति वन्दन अधिनियम पारित गरियो। आगामी वर्ष 2029- को लोकसभा चुनाउ र आगामी दिनमा राज्यको विधानसभा चुनाउ महिला आरक्षणका प्रावधानहरूसितै गराइने योजना यस बिलको माध्यमबाट लागू गरिनेछ। यो बिल पारित हुनसाथ महिलाहरूले जनप्रतिनिधिको रूपमा 33 प्रतिशत आरक्षण पाउनेछन्। उसेण्डीले भनिन्, प्रदेशमा वर्ष 2003-मा डा. रमन सिंहको नेतृत्वमा भाजपा सरकार गठन भयो र त्यसताकदेखि आजसम्म प्रदेशमा भाजपा सरकारले महिला सशक्तिकरणको उदाहरण प्रस्तुत गरेको छ। भाजपाको सरकारले सर्वप्रथम महिलाहरूलाई राशन कार्डको माध्यमबाट घरको मुखियाको रूपमा महत्वपूर्ण स्थान दियो।

छत्तिसगढ़मा पञ्चायत चुनाउमा 50 प्रतिशत महिलाहरूलाई स्थान दिइएको छ। प्रदेशको वर्तमान भाजपा सरकारले महतारी वन्दन योजनाको माध्यमबाट मोदीको ग्यारन्टी अन्तर्गत महिलाहरूलाई प्रत्येक महिना एक हजार रुपियाँ दिएर उनीहरूलाई आर्थिक रूपमा सबल बनाइरहेका छन्। यसको साथै केन्द्र एवं राज्य सरकारले विभिन्न योजनाहरूमा महिलाहरूलाई प्राथमिकता दिइरहेको छ।

हिन्दुस्थान समाचार / उष्णता छेत्री शर्मा