गान्तोक, 11 अप्रेल (हि.स.)। सीमा सडक संगठन (बीआरओ) अन्तर्गत सीमा सडक (पूर्व) का अतिरिक्त महानिर्देशक (एडीजीबीआर) जितेन्द्र प्रसादले आज उत्तर सिक्किमको सबैभन्दा चुनौतीपूर्ण र कमजोर भूभागहरू मध्ये एक तारम छुमा पैह्रो प्रभावित क्षेत्रको भ्रमण गरे। उनले व्यक्तिगत रूपमा स्थलगत अवस्थाको मूल्याङ्कन गरे र स्थलमा तैनाथ बीआरओका कर्मचारीहरूसँग अन्तरक्रिया गरे।
एडीजीबीआरले तारम छुमा चलिरहेको पुनर्स्थापना प्रयासहरूको समीक्षा गरे भने पुनर्स्थापना कार्यलाई तीव्रता दिन र मार्ग चाँडोभन्दा चॉंडो खोल्न स्पष्ट निर्देशनहरू दिए। भ्रमणको क्रममा उनले पुनर्स्थापना कार्यको प्रगतिको विस्तृत निरीक्षण गरे र यस क्षेत्रमा सम्पर्क पुनर्स्थापना र सुदृढीकरण गर्न संस्था प्रतिबद्ध रहेको बताए।
उनले यस्ता दुर्गम र संवेदनशील क्षेत्रहरूमा सडकहरू केवल पूर्वाधार मात्र होइनन्, तर जीवन व्यापन, विकास र सीमावर्ती समुदायहरू तथा देशका अन्य भागहरूबीच सम्बन्धलाई कायम राख्नको लागि महत्त्वपूर्ण रहेको बताए। अधिकारीको भ्रमणले स्थलमा तैनाथ कर्मचारीहरूको मनोबल बढाएको र अगाडि बढेर नेतृत्व प्रदान गर्ने बीआरओको नीति र कठिन स्थितिमा राष्ट्र निर्माणप्रतिको दृढ समर्पणलाई पुन: पुष्टि गरेको प्रेस विज्ञप्तिमा उल्लेख छ।
हिन्दुस्थान समाचार / बिशाल
14 Apr 2026
