ग्वालपारा (असम), 14 अप्रेल (हि.स.)। असमको ग्वालपारामा बहाग बिहू (रंगाली बिहू)-को पहिलो दिन मनाइने गोरू बिहूको दिन भएको एक हृदयविदारक घटनाले सम्पूर्ण क्षेत्रलाई शोकमा डुबाएको छ। मंगलवार कृष्णाई नदीमा डुबेर दुई नाबालिक जोम्ल्याह दाज्यु-भाइको मृत्यु भयो।
यो घटना कृष्णाईको भोजमाला क्षेत्रमा त्यसबेला भयो जतिबेला दुवै दाज्यु-भाइ पारम्परिक नियम अनुरूप पशुहरूलाई नदीमा नुहाउन गएका थिए। मृतकहरूको पहिचान दीपांकर नाथ र देवाशिष नाथको रूपमा भएको छ भने टेंगाबाड़ी गाउँका बासिन्दा दुवै नवौं कक्षाका छात्र थिए।
प्रत्यक्षदर्शीहरू अनुसार पशुहरूलाई नुहाउने क्रममा अचानक दुवै दाज्यु-भाइ गहिरो पानीमा डुबेर बेपत्ता भए। घटनाको सूचना पाउनसाथ स्थानीय मानिसहरू उनीहरूलाई खोज्न जुटे, तर शुरूआती प्रयास सफल हुन सकेन।
पछि सूचना पाउनसाथ पुलिस र राज्य आपदा प्रतिक्रिया बल (एसडीआरएफ)-को टीम घटनास्थलमा पुग्यो जसले घटनास्थलमा बचाउ अभियान शुरू गऱ्यो। लामो समयसम्म खोजी गरेपछि दुई दाज्यु-भाइको शवलाई नदीबाट उद्धार गरियो।
यस दुःखदायी दुर्घटनापछि सम्पूर्ण क्षेत्रमा शोक छाएको छ। जुन दिन आम रूपमा खुशी तथा सांस्कृतिक उत्सवको प्रतीक हुन्छ, त्यही नै पीड़ित परिवार एवं सम्पूर्ण समुदायको लागि गहिरो दुःखको कारण बन्न पुग्यो। पुलिसले दुवै शवलाई कब्जामा लिएर पोस्टमर्टम गर्नको लागि अस्पतालमा पठाइदिएको छ।
हिन्दुस्थान समाचार / उष्णता छेत्री शर्मा
14 Apr 2026
