यमुनानगर, 14 अप्रेल (हि.स.)। यमुनानगरको जगाधरी क्षेत्रमा सोमवार अबेर राति एक किराना पसलको सटर फोड़ेर लगभग 3 लाख रुपियाँ बराबरको नगद र समान चोरी भएको छ। पुलिसले मुद्दा दर्ता गरी अनुसन्धान शुरु गरेको छ।

पसले इशान गुलाटीले आफ्नो उजुरीमा भनेका छन् कि उनी विगत 25 वर्षदेखि पञ्जेतो गाउँमा किराना पसल चलाउँदै आएका छन्। सधैंझैं उनी राति पसल बन्द गरेर घर गए। बिहान उनलाई छिमेकीहरूले फोन गरेर पसलको सटर फुटेको खबर दिए। घटनास्थलमा पुगेपछि उनले पसलभित्र समान अव्यवस्थित अवस्थामा फेला पारे। अनुसन्धान गर्दा उनले लगभग 30 हजार रूपियाँ बराबरको समान चोरी भएको पत्ता लगाए। यस बाहेक हालैको बिक्री र समानको भुक्तानी सहित लगभग 3 लाख रुपियाँ बराबरको नगद पनि हराएको थियो।

पसले अनुसार, नजिकै जड़ान गरिएका सीसीटीभी क्यामेराहरूले दुई युवकलाई अटो-रिक्सामा आएको देखाएका छन्। फुटेज अनुसार, आरोपी सोमवार अबेर राति पसल नजिकै पुगे, अपराध गरे र त्यसपछि भागे। प्रारम्भिक अनुसन्धानले आरोपीहरू छछरौलीबाट आएको र घटनापछि जगाधरीतिर भागेको खुलासा गरेको छ। पुलिस अधिकारीहरू अनुसार, आरोपीहरूको पहिचान गर्न नजिकैका अन्य सीसीटीभी क्यामेराको फुटेजको जाँच भइरहेको छ र छिट्टै नै आरोपीहरूलाई पक्राउ गरिनेछ।

हिन्दुस्थान समाचार / भवानी थामी