नयाँ दिल्ली, 14 अप्रेल (हि.स.)। भारत रत्न बाबासाहेब डा. भीमराव अम्बेडकरको 135औं जयन्तीको उपलक्ष्यमा मंगलवार दिल्ली नगरनिगम (एमसीडी)-मा एक विशेष कार्यक्रम आयोजना गरियो। यस अवसरमा मेयर राजा इकबाल सिंहले निगम मुख्यालयमा बाबासाहेब डा. बीआर अम्बेडकरको प्रतिमामा माल्यार्पण गर्दै उनलाई श्रद्धाञ्जली चढ़ाए।
यस उपरान्त केदारनाथ सहनी अडिटोरियममा एक कार्यक्रम आयोजना गरियो। कार्यक्रममा विद्यार्थी नानीहरूद्वारा सांस्कृतिक प्रस्तुति दिइयो। यस अवसरमा निगमका कर्मचारीहरूलाई उनीहरूको उत्कृष्ट कार्यको लागि सम्मानित पनि गरियो।
मेयर राजा इकबाल सिंहले कार्यक्रमलाई सम्बोधन गर्दै भने, बाबासाहेब डा. बीआर अम्बेडकरको जीवन संघर्ष, शिक्षा औ सामाजिक न्यायप्रति समर्पणको प्रतीक हो। उनले भने, विपरीत परिस्थितिमा पनि शिक्षाको माध्यमबाट समाजमा परिवर्तन ल्याउने उनको प्रेरणा आज पनि हामी सबैका लागि मार्गदर्शक हो।
मेयरले भने, “शिक्षित बनौं, संगठित रहौं तथा संघर्ष गरौं” जस्ता बाबासाहेबको सन्देश समाजलाई सशक्त बनाउने आधार हो। उनले सबैसित आह्वान गरे, उनीहरू बाबासाहेब डा. बीआर अम्बेडकरका आदर्शहरूलाई अप्नाउँदै समाजको अन्तिम व्यक्तिसम्म विकासको लाभ पुऱ्याउनको लागि प्रतिबद्ध रहुन्।
कार्यक्रममा निगमायुक्त सञ्जीव खिरवार सहित वरिष्ठ अधिकारी, पार्षद एवं ठूलो संख्यामा कर्मचारीहरू उपस्थित थिए।
हिन्दुस्थान समाचार / उष्णता छेत्री शर्मा
14 Apr 2026
