मेदिनीपुर, 28 अप्रेल (हि.स.)। पश्चिम मेदिनीपुर जिल्लाको मोहनपुर क्षेत्रमा राजनीतिक झड़पमा घाइते भएका एकजना भाजपा कार्यकर्ताको मृत्यु भएको छ। भाजपाले यस घटनाको सन्दर्भमा आरोप लगाएको छ, यो हमला राजनीतिक कारणले गरिएको हो।

प्राप्त जानकारी अनुसार मृतकको नाम नगेन गिरी हो जो पूर्व मेदिनीपुर जिल्लाको एगरा क्षेत्रको बरिदा ग्राम पञ्चायत अन्तर्गत वर्तमाना गाउँका निवासी थिए। भनिन्छ, गत 21 अप्रेलको दिन तिनी मोहनपुरको आन्तला क्षेत्रमा दाँतन विधानसभा क्षेत्रबाट भाजपा प्रत्याशीको समर्थनमा निकालिएको बाइक ऱ्यालीमा सामेल हुन गएका थिए।

आरोप छ, यस अवधि केही मानिसहरूले ऱ्यालीमा हमला गरे। हमलाकारीहरूले लौरो, फलामको रड तथा धारिलो हतियारले हमला गरे जसबाट नगेन गिरी सहित केही मानिसहरू गम्भीर रूपमा घाइते भएका थिए। घाइते अवस्थामाउनलाई अस्पतालमा भर्ती गरिएको थियो। केही दिनसम्म उपचार भएपछिगए सोमवार राती उनको मृत्यु भयो।

मृत्युको खबर गाउँमा आइपुग्नसाथ शोकको माहोल फैलियो। परिवारजनको रोएरै बेहाल भएको छ। मङ्गलवार गाउँमा शव ल्याएपछि भाजपाका स्थानीय नेता र कार्यकर्ताहरू पुगेर उनलाई श्रद्धाञ्जली अर्पण गरे। पार्टीको पक्षबाट परिवारको साथमा रहने आश्वासन दिइएको छ।

हिन्दुस्थान समाचार / उष्णता छेत्री शर्मा