गान्तोक, 28 अप्रेल (हि.स.)। मुख्यमन्त्री प्रेमसिंह तामाङले प्रधानमन्त्री नरेन्द्र मोदीलाई सिक्किम राज्य स्थापनाको स्वर्ण जयन्ती समारोहको समापन कार्यक्रममा सहभागी भएकोमा हार्दिक आभार व्यक्त गरेका छन्। उनले प्रधानमन्त्रीको उपस्थिति, अमूल्य मार्गदर्शन, प्रेरणादायी सम्बोधन र सिक्किम राज्यमाथि निरन्तर आशीर्वादको लागि कृतज्ञता व्यक्त गरेका छन्।

मुख्यमन्त्रीले सामाजिक सञ्जाल फेसबुक पोस्टमा भने, 'प्रतिकूल मौसमलाई ध्यानमा राख्दै, आकाशले हवाई यात्रा गर्न अनुमति नदिए पनि, उहाँ बाघडोग्राबाट कठिन पहाडी भूभाग हुँदै चुनौतीपूर्ण सडक यात्रा गर्न पूर्ण रूपमा तयार हुनुहुन्थ्यो। यो असाधारण कदमले सिक्किमका जनताप्रति उहाँको अटल प्रतिबद्धता, समर्पण र गहिरो स्नेहलाई वास्तवमा प्रतिबिम्बित गर्दछ।'

उनले हाम्रो सांस्कृतिक समृद्धि, जैविक स्थिति, सरसफाई, अर्केडियम र राज्यवासीहरूको न्यानोपन र मायालु प्रकृतिको प्रशंसाले हाम्रो ह्रदयलाई गर्वले भरिएको बताएका छन्। प्रधानमन्त्रीका अमूल्य शब्दहरूले आगामी वर्षहरूमा हाम्रो संकल्पलाई प्रेरणा, मार्गदर्शन र बलियो बनाइरहनेछन् भन्दै उनले प्रधानमन्त्रीको उपस्थितिले यस अवसरलाई साँच्चै ऐतिहासिक र अविस्मरणीय बनाएको उल्लेख गरेका छन्।

मुख्यमन्त्री तामाङले राज्यपाल ओमप्रकाश माथुरलाई पनि उनको निरन्तर मार्गदर्शन र आशीर्वादको लागि हार्दिक धन्यवाद दिएका छन्। यसरी नै उनले विधानसभा अध्यक्ष र उपाध्यक्ष, मन्त्रीहरू, विधायकहरू, सल्लाहकारहरू, अध्यक्षहरू, राजनीतिक सचिवहरू र सिक्किम सरकारका सबै प्रतिष्ठित व्यक्तिहरूलाई उनीहरूको उपस्थिति र समर्थनको लागि हार्दिक आभार व्यक्त गरेका छन्।

उनले सिक्किम सरकारका वरिष्ठ अधिकारीहरू, भारत सरकारका अधिकारीहरू, कलाकारहरू र २१ समुदायका प्रतिनिधिहरू, संघ-संस्थाहरूप्रति पनि हार्दिक आभार व्यक्त गरेका छन्। उनले सिक्किम क्रान्तिकारी मोर्चा पार्टी र भारतीय जनता पार्टीका पदाधिकारी र कार्यकर्ताहरूहरूलाई पनि धन्यवाद दिएका छन्।

हिन्दुस्थान समाचार / बिशाल