नयाँ दिल्ली, 23 मई (हि.स.)। राजधानीमा आइतवार आयोजना भइरहेको ‘जनजाति सांस्कृतिक समागम’ कार्यक्रमलाई लिएर दिल्ली ट्राफिक पुलिसले व्यापक स्तरमा ट्राफिक प्रबन्धन गर्ने तयारी गरेको छ। लाल किल्ला मैदानमा हुने यस कार्यक्रममा देशका विभिन्न राज्यहरूबाट लगभग एक लाख मानिसहरू सामेल हुने सम्भावना व्यक्त गरिएको छ। ठूलो सङ्ख्यामा मानिसहरूको आगमन हुने तथा धेरै वटा शोभायाहरू निकालिने हुनाले मध्य दिल्ली र पुरानो दिल्लीका केही प्रमुख मार्गहरूमा यातायात प्रभावित हुनसक्छ।

दिल्ली ट्राफिक पुलिसले मानिसहरूसित अपील गरेको छ, उनीहरूले यात्रा शुरू गर्नअघि ट्राफिक स्थितिको जानकारी लिउन्, यथासम्भव सार्वजनिक परिवाहन नै प्रयोग गरुन् तथा वैकल्पिक मार्गहरूलाई उपयोग गरून्।

धेरै वटा स्थानहरूबाट निकालिनेछ शोभायात्रा

दिल्ली ट्राफिक पुलिसले शनिवार बतायो, ‘जनजाति जागृति समिति’-द्वारा आयोजित यस कार्यक्रम अन्तर्गत भिन्न-भिन्न क्षेत्रहरूबाट शोभायात्राहरू निकालिनेछ। यी यात्राहरू श्यामगिरि मन्दिर, रामलीला मैदान, राजघाट, कुदेसिया पार्क औ अजमेरी गेटदेखि शुरू भएर लाल किल्लासम्म पुग्नेछन्। एकसाथ ठूलो सङ्ख्यामा मानिसहरूको आगमन भिरहेकोले शहरका प्रमुख मार्गहरूमा दबाव बढ़्ने सम्भावना छ जसलाई मध्यनजर गर्दै ट्राफिक पुलिसले व्यापक योजना बनाएको छ।

पुलिस अनुसार कार्यक्रममा व्यापक रूपमा मानिसहरू सामेल हुने सम्भावनालाई ध्यानमा राखेर मानिसहरूले आफ्नो यात्राको योजना बनाउनुपर्छ। विशेष गरी पुरानो दिल्ली, लाल किल्ला, चाँदनी चौक, कश्मीरी गेट औ मध्य दिल्लीतर्फ जाने मानिसहरूलाई अतिरिक्त समय लिएर निक्लिने सल्लाह दिइन्छ।

हिन्दुस्थान समाचार / उष्णता छेत्री शर्मा