कोलकाता, 24 मई (हि.स.)। दुर्गापुरबाट एउटा महत्वपूर्ण खबर आएको छ, जहाँ पुलिसले सुदीप गुन उर्फ राजा गुनलाई बलजफ्ती चन्दा (टोलाबाज) को आरोपमा पक्राउ गरेको छ। अभियुक्त विरुद्ध लामो समयदेखि उजुरी आएको र त्यसैको आधारमा कारबाही गर्दै दुर्गापुरको नयाँ टाउनशिप थाना पुलिसले उनलाई पक्राउ गरेको खबर छ।

पुलिस सूत्रहरू अनुसार, सुदीप गुनमाथि बलजफ्ती चन्दा असुलीको मात्र नभई अवैध हतियार राखेको पनि आरोप छ। पक्रा परेपछि पुलिसले सम्पूर्ण घटनाको अनुसन्धान शुरु गरेको छ र अभियुक्तसँग सोधपुछ गरिरहेको छ।

स्थानीयवासीहरूले आरोपी तृणमूल कांग्रेसको कार्यक्रम, बैठक र र्या लीहरूमा बारम्बार देखिने गरेको बताएका छन्। विपक्षले आरोप लगाएको छ कि सुदीप गुन शासक दलको संरक्षणमा काम गरिरहेको थियो, जसले गर्दा उ लामो समयदेखि कानूनको पहुँचभन्दा बाहिर रह्यो।

हाल पुलिसले सम्पूर्ण मामिलाको गम्भीरतापूर्वक अनुसन्धान गरिरहेको छ र अभियुक्तसँग अरु को को संलग्न छन् भनेर पत्ता लगाउने प्रयास गरिरहेको छ।

हिन्दुस्थान समाचार / भवानी थामी