जलपाईगुड़ी, 24 मई (हि. स.)। जिल्लाको धुपगुड़ी महकुमा अन्तर्गत मागुरमारी एक नम्बर ग्राम पञ्चायतको बोसेरडाङ्गा क्षेत्रमा आइतवार बिहान सवेरै अचानक बाइसन (जङ्गली भैंसी) आवासीय क्षेत्रमा पसेको कारणले क्षेत्रमा कोकोहोलो मचियो। यस अवधि बाइसनको हमलामा परी दुई जना मानिसहरू घाइते भए।

स्थानीय मानिसहरू अनुसार दुई वटा जङ्गली भैंसीले बिहान-बिहानै गाउँमा पसेर उत्पात मचाउन थाल्यो। यसको हमलामा परी दुई वटा गाई र एउटा बाख्राले ज्यान गुमायो भने दुई जना मानिसहरू घाइते भए। घाइतेहरूमध्ये एकजनाको अवस्था गम्भीर रहेको बताइएको छ जसलाई वन विभागको वाहनमा तुरून्तै धुपगुड़ी महकुमा अस्पतालमा लगियो। दोस्रो घाइतेको उपचार भइरहेको छ।

सूचना पाएर वन विभागको टीम घटनास्थलमा पग्यो। लामो सङ्घर्षपछि एउटा बाइसनलाई ट्र्याङ्क्विलाइजरले नियन्त्रण गरियो। त्यसपछि त्यसलाई ट्र्याक्टरमा चढ़ाएर सुरक्षित स्थानमा लगियो।

हिन्दुस्थान समाचार / उष्णता छेत्री शर्मा