सिलगढ़ी, 30 मई (हि.स.)। देशभरि नै महिलाहरूलाई सर्भाइकल क्यान्सरदेखि बचाउनको लागि एचपीभी (ह्यूमन प्यापिलोमा भाइरस)-को खोप अभियान शुरू गरिएको छ। यसै क्रममा पश्चिम बङ्गालमा पनि यस महत्वपूर्ण स्वास्थ्य परियोजनाको शुरुआत भइसकेको छ। शनिवार राज्यका मुख्यमन्त्री शुभेन्दु अधिकारीले यस अभियानको औपचारिक शुभारम्भ गरे।

राज्यका विभिन्न अस्पताल तथा स्वास्थ्य केन्द्रहरूमा यो खोप अभियान आरम्भ गरिएको छ। यसान्तर्गत सिलगढ़ी जिल्ला अस्पतालमा पनि शनिवार एचपीभी खोपको शुरूआत गरियो। यस अभियान अन्तर्गत मुख्य रूपमा 14 वर्ष पुगेका किशोरीहरूलाई यो खोप लगाइन्छ जसलाई भविष्यमा हुनसक्ने सर्भाइकल क्यान्सरको खतरालाई कम गर्नमा प्रभावशाली मानिन्छ।

शनिवार आयोजित कार्यक्रममा सामेल हुनका लागि सिलगढ़ीका भाजपा विधायक शङ्कर घोष पनि जिल्ला अस्पतालमा पुगे। उनले केही किशोरीहरूलाई खोप लगाएको प्रमाण पत्र वितरण गरे भने अन्य किशोरीहरूलाई खोप लगाउने अपील गरे। स्वास्थ्य विभागको मान्यता छ, यस अभियानबाट राज्यमा सर्भाइकल क्यान्सरको मामिलालाई धेरै हदसम्म कम गर्न सकिन्छ तथा महिलाहरूको स्वास्थ्यमा सुधार हुनेछ।

हिन्दुस्थान समाचार / उष्णता छेत्री शर्मा