गान्तोक, 30 मई (हि.स.)। सोरेङ जिल्ला अन्तर्गत नयॉंबजार पुलिस थानाले प्रतिबन्धित लागूऔषध सहित दुई व्यक्तिलाई पक्राउ गरेको छ। पक्रा परेका व्यक्तिहरूको नाम रिधाई राई र गणेश छेत्री बताइएको छ। दुवै आरोपी बैगुने, नयॉंबजार निवासी हुन्।
पुलिस रिपोर्टका अनुसार, निरन्तर सोधपुछको क्रममा दुवै व्यक्तिले प्रतिबन्धित पदार्थ सेवन गरेको स्वीकार गरे। उनीहरूबाट संदिग्ध लागूऔषध पनि पदार्थ बरामद गरिएको थियो।
उनीहरूको जोरथाङ सामुदायिक स्वास्थ्य केन्द्रमा चिकित्सा जॉंच गरियो र उनीहरूले प्रतिबन्धित लागूऔषधी सेवा गरेको पुष्टि भयो। उनीहरूलाई 29 मई राति पक्राउ गरिएको थियो। आज, 30 मईका दिन दुवैलाई नाम्ची जिल्लाको एउटा पुनर्वास केन्द्रमा परामर्श, उपचार र नशामुक्ति सेवाहरूका लागि पठाएको बताइएको छ।
सोरेङ जिल्ला पुलिसले लागूऔषध दुरुपयोग विरुद्ध लड्न र लागूऔषधमुक्त समाज सुनिश्चित गर्न आफ्नो अटल प्रतिबद्धता दोहोर्याएको छ। पुलिसले समुदायका सदस्यहरू, अभिभावकहरू, शैक्षिक संस्थानहरू र नागरिक समाजका संस्थाहरू लगायत सबै सरोकारवालाहरूलाई यस सामूहिक प्रयासमा सक्रिय रूपमा समर्थन र सहभागी हुन पनि अपील गरेको छ।
हिन्दुस्थान समाचार / बिशाल
