नयाँ दिल्ली, 11 जून (हि.स.)। केन्द्रिय अन्वेषण ब्यूरो (सीबीआई) ले बिहिवार साइबर ठगी मुद्दामा वाञ्छित भगौड़ा गणेश बालासो कालेलाई थाइल्याण्डबाट पत्यर्पण गराउन सफल भयो। उनलाई 24 मईमा थाई अधिकारीहरूले बैंककमा हिरासतमा लिएका थिए र कानूनी प्रक्रिया पूरा गरेपछि 10 जूनमा भारत पठाइयो। सीबीआईका अधिकारीहरू आज आरोपी सहित मुम्बई आइपुगेको सीबीआईले बताएको छ।
सीबीआईले मुम्बई आइपुगेपछि गणेश बालासो कालेलाई महाराष्ट्र पुलिसको साइबर सेलले हिरासतमा लिएको बताएको छ। कालेमाथि अनलाइनमा पार्टटाइम जब दिने प्रलोभन दिएर मानिसहरूलाई ठगी गरेको आरोप छ। उनले निर्दोष व्यक्तिहरूलाई संलग्न गराउने र अवैध पैसा स्थानान्तरणको लागि उनीहरूको बैंक खाता प्रयोग गर्ने नेटवर्क सञ्चालन गर्थे।
यस बाहेक उनले सह-आरोपीहरूलाई मोबाइल फोन र नक्कली सिम कार्डको व्यवस्था गर्न पनि निर्देश दिएका थिए। सीबीआईले मुद्दाको अनुसन्धान जारी रहेको बताएको छ। सीबीआईले भन्यो, विदेश मन्त्रालय, गृह मन्त्रालय र थाइल्याण्ड स्थित भारतीय दूतावासको सहयोगमा रेड कर्नर नोटिस जारी भएको 20 दिनभित्रै अभियुक्तलाई पत्ता लगाई भारत ल्याइयो।
हिन्दुस्थान समाचार / भवानी थामी
