नयाँ दिल्ली, 11 जून (हि.स.)। मध्य प्रदेशको विदिशामा कृषि विज्ञान केन्द्रको शिलान्यास 14 जूनमा राखिनेछ। यो केन्द्रलाई कृषि क्षेत्रमा एक मोडेलको रूपमा विकास गरिनेछ। यसको स्थापनासँगै यहाँका किसानहरूले वैज्ञानिक रूपले खेतीको सुझाउ र सरकारी योजनाहरूको जानकारी तथा लाभ प्राप्त गर्नेछन्।

केन्द्रिय मन्त्री शिवराज सिंह चौहानले बिहिवार जारी गरेको भीडियो सन्देशमा भनेका छन् कि 14 जून विदिशा संसदीय क्षेत्रका कृषि र किसानहरूका लागि ऐतिहासिक दिन हुनेछ। कृषि विज्ञान केन्द्रको शिलान्यास 14 जून बिहान 10 बजी विदिशाको बरखेड़ी जट्टूमा गरिनेछ। यो कृषि विज्ञान केन्द्र भारतको एक मोडल कृषि विज्ञान केन्द्र हुनेछ।

उनले विदिशा, रायसेन, सीहोर र देवास जिल्लाका लागि विकसित वैज्ञानिक कृषि रोडम्यापको कार्यान्वयन कार्यक्रमबाट शुरु हुने बताए। चौहानले थप भने, खेत बचाओ अभियान अन्तर्गत किसानहरूलाई महत्त्वपूर्ण जानकारी पनि प्रदान गरिनेछ। नक्कली मल कसरी पहिचान गर्ने र कसरी बच्ने, आधुनिक कृषि उपकरण प्रयोग गरेर बाली रोप्ने, आधुनिक खेती अभ्यासहरूको प्रदर्शन, मेसिनरीको प्रदर्शन, स्टलहरू र धेरै कुराहरू सहित सिक्ने अवसरहरू हुनेछन्। उनले किसानहरूलाई यस कार्यक्रममा उपस्थित हुन र आफ्नो खेती अभ्यास कसरी सुधार गर्ने भन्नेबारे सल्लाह लिन आग्रह गरे।

हिन्दुस्थान समाचार / भवानी थामी