कोलकाता, 30 जून (हि.स.)। भारतका केन्द्रिय पर्यावरण, वन तथा जलवायु परिवर्तन मन्त्री भूपेन्द्र यादवले मंगलबार पश्चिम बंगालका मुख्यमन्त्री शुभेन्दु अधिकारीसँग कोलकाताको विधाननगरस्थित निवासमा शिष्टाचार भेटवार्ता गरेका छन्। भेटका क्रममा शुभेन्दु अधिकारीले केन्द्रिय मन्त्री यादवलाई जन्मदिनको शुभकामना व्यक्त गर्दै उनको उत्तम स्वास्थ्य, सुख, समृद्धि तथा दीर्घायुको कामना गरे।
शुभेन्दु अधिकारीले सामाजिक सञ्जाल एक्स मार्फत भेटबारे जानकारी दिँदै मन्त्री यादवलाई जन्मदिनको हार्दिक शुभकामना व्यक्त गरेको र माता कालीसँग उनको सुस्वास्थ्य तथा दीर्घ जीवनको प्रार्थना गरेको उल्लेख गरेका छन्।
भेटका क्रममा पश्चिम बंगालको विकास र प्रगतिसँग सम्बन्धित विभिन्न विषयमा सार्थक छलफल भएको बताइएको छ। राज्यको विकासका मुद्दामा केन्द्र र राज्यबीच सकारात्मक सहकार्य आगामी दिनमा पनि निरन्तर रहने विश्वास व्यक्त गरिएको छ।
उल्लेखनीय छ, केन्द्रिय मन्त्री भूपेन्द्र यादव जूलजिकल सर्वे अफ इन्डियाको एक कार्यक्रममा सहभागी हुन कोलकाता पुगेका हुन्। सोही अवसरमा उनले शुभेन्दु अधिकारीसँग शिष्टाचार भेट गरेका थिए।
---------------
हिन्दुस्थान समाचार / भवानी थामी
05 Jul 2026
