बेलगावी, १० जुलाई (हि.स.)। राष्ट्रिय स्वयंसेवक संघ (आरएसएस) को वार्षिक अखिल भारतीय प्रान्त प्रचारक बैठक कर्नाटकको बेलगावीमा शुक्रवार बिहानदेखि शुरु भएको छ। तीन दिनसम्म चल्ने यस बैठकमा संघको कार्य विस्तार तथा आगामी योजना सम्बन्धी विभिन्न महत्वपूर्ण विषयहरूमा विस्तृत छलफल गरिनेछ।

संघको प्रचार विभाग अनुसार, बैठकमा सरसंघचालक डा. मोहन भागवत, सरकार्यवाह दत्तात्रेय होसबाले, सबै सह-सरकार्यवाह, अखिल भारतीय कार्य विभाग प्रमुख तथा सह-प्रमुखहरू, कार्यकारिणी सदस्यहरू, क्षेत्र प्रचारक तथा सह-क्षेत्र प्रचारकहरू, साथै देशका ४६ वटा प्रान्तका प्रान्त प्रचारक, सह-प्रान्त प्रचारक र संघ प्रेरित विभिन्न संगठनका अखिल भारतीय संगठन मन्त्रीहरू सहभागी भइरहेका छन्।

बैठकमा संघको कार्य विस्तार तथा आगामी योजना सम्बन्धी विभिन्न विषयमा विस्तृत छलफल हुनेछ। मार्च २०२६ पछि संघका विभिन्न तहमा सम्पन्न भएका प्रशिक्षण वर्गहरूको समीक्षा तथा शाखा स्तरमा कार्ययोजनाको कार्यान्वयनबारे विशेष चर्चा गरिनेछ। संघको शताब्दी वर्षको अवसरमा सम्पन्न शाखा विस्तार अभियानको समीक्षा तथा आगामी अधिकतम शाखा विस्तार गर्ने योजनाबारे पनि विचार-विमर्श हुनेछ।

यस बाहेक शताब्दी वर्ष अन्तर्गत सम्पन्न भएका कार्यक्रमहरूको समीक्षा, बाँकी रहेका कार्यक्रमहरूको योजना तथा सरसंघचालकको सन् २०२६–२७ को भ्रमण योजनाबारे पनि छलफल गरिनेछ। संघको शताब्दी वर्ष (२०२५–२६) अन्तर्गतका बाँकी कार्यक्रमहरू आगामी विजयादशमी (२० अक्टोबर) सम्म सञ्चालन हुनेछन्।

हिन्दुस्थान समाचार / भवानी थामी