नयाँ दिल्ली, १३ जुलाई (हि.स.)। केन्द्रिय सामाजिक न्याय तथा अधिकारिता मन्त्रालयले मंगलवार (१४ जुलाई) तेस्रो ‘नमस्ते दिवस’ मनाउने भएको छ। यो सन् २०२३ मा शुरु गरिएको राष्ट्रिय यान्त्रिकृत स्वच्छता पारिस्थितिकी तन्त्र (नमस्ते) योजनाको तीन वर्ष पूरा भएको अवसरको प्रतीक हो।

मुख्य कार्यक्रम ‘दिव्य कला मेला’ सँगै पश्चिम बंगालको कोलकाता स्थित रवीन्द्र सदनमा आयोजना गरिनेछ। साथै देशभरिका विभिन्न शहरी स्थानीय निकाय (यूएलबी) हरूमा समानान्तर कार्यक्रमहरू पनि सञ्चालन गरिनेछन्।

केन्द्रिय सामाजिक न्याय तथा अधिकारिता मन्त्री तथा राज्यमन्त्री कोलकाता स्थित कार्यक्रममा सहभागी हुने अपेक्षा गरिएको छ।

कार्यक्रममा पश्चिम बंगालका मुख्यमन्त्री सुवेन्दु अधिकारी, विभिन्न मन्त्रीहरू, सांसद, विधायक, केन्द्र तथा राज्य सरकारका वरिष्ठ अधिकारीहरू, जिल्ला प्रशासनका प्रतिनिधिहरू, राष्ट्रिय सफाइ कर्मचारी वित्त तथा विकास निगमका पदाधिकारी तथा अन्य विशिष्ट व्यक्तिहरूको पनि सहभागिता रहने जनाइएको छ।

हिन्दुस्थान समाचार / भवानी थामी