-अहिलेसम्म 2.30 लाखभन्दा बढ़ी तीर्थयात्रीले हिम शिवलिंगको दर्शन गरे

जम्मू, 12 जुलाई (हि.स.)। कड़ा सुरक्षा व्यवस्थाबीच 9,153 तीर्थयात्रीहरूको 11औं टोली वार्षिक अमरनाथ यात्राको लागि आइतवार बिहान जम्मूको भगवती नगर यात्री निवासबाट दक्षिण कश्मीर हिमालयमा रहेको पवित्र गुफा तीर्थस्थलको लागि प्रस्थान गऱ्यो। सुरक्षाकर्मी र नागरिक प्रशासनले जम्मू-श्रीनगर राष्ट्रिय राजमार्गमा तीर्थयात्रीहरूको सहज आवागमन सुनिश्चित गर्योप। उनीहरूको सुरक्षा, चिकित्सा सहायता, ट्राफिक नियन्त्रण र रसद सहयोगको लागि व्यापक व्यवस्था गरिएको थियो।

अधिकारीहरूले भने, यो नयाँ टोलीमा 2,345 महिला र 18 बालबालिका समावेश छन्। तीर्थयात्रीहरूको 11औं टोली बहु-स्तरीय सुरक्षा व्यवस्था अन्तर्गत 359 सवारी साधन बोकेर आधार शिविरबाट दुई छुट्टाछुट्टै काफिलाहरूमा प्रस्थान गऱ्यो। 3,429 तीर्थयात्रीहरू मिलेर पहिलो काफिला बिहान 2.44 बजी गन्देरबल जिल्लाको बालटाल आधार शिविरको लागि प्रस्थान गऱ्यो। 5,724 तीर्थयात्रीहरू मिलेर दोस्रो काफिला बिहान 3.35 बजी अनन्तनाग जिल्लाको नुनवान (पहलगाम) आधार शिविरको लागि प्रस्थान गऱ्यो।

अधिकारीहरू अनुसार, यस वर्षको तीर्थयात्रामा ठूलो संख्यामा भीड़ लागेको छ। 03 जुलाईमा यात्रा शुरु भएदेखि 2,30,000 भन्दा बढ़ी तीर्थयात्रीहरूले पवित्र अमरनाथ गुफा तीर्थस्थलभित्र प्राकृतिक रूपमा बनेको हिउँको शिवलिंगको दर्शन र पूजा गरेका छन्। 57 दिने वार्षिक तीर्थयात्रा 28 अगस्तमा रक्षाबंधनको पर्वसँगै समाप्त हुनेछ। अधिकारीहरूले आगामी हप्ताहरूमा तीर्थयात्रीहरूको आगमन जारी रहने अपेक्षा गरेका छन्।

हिन्दुस्थान समाचार / भवानी थामी