जम्मू, १५ जुलाई (हि.स.)। कडा सुरक्षा व्यवस्थाबीच बुधबार बिहान सबेरै जम्मूको भगवती नगर यात्री निवासबाट ५० विदेशी श्रद्धालुसहित ६,२५१ जना तीर्थयात्री वार्षिक अमरनाथ यात्राका लागि प्रस्थान गरेका छन्।
अधिकारीहरूका अनुसार २,९८५ जना तीर्थयात्रीले बालटाल मार्ग रोजेका छन् भने ३,२६६ जना पहलगामस्थित नुनवान आधार शिविरतर्फ प्रस्थान गरेका छन्।
तीर्थयात्रीहरूको काफिलामा कुल २३० सवारीसाधन रहेका थिए, जसमा १३७ बस, ३४ मध्यम क्षमताका मोटर सवारी र ५९ हल्का मोटर सवारीसाधन समावेश छन्।
यस जत्थामा ४,४३९ पुरुष, १,६१४ महिला, १३ बालबालिका, ७८ साधु, ५३ साध्वी, एक बाल साधु, तीन ट्रान्सजेन्डर तीर्थयात्री तथा ५० विदेशी पुरुष श्रद्धालु सहभागी रहेका छन्।
बालटालतर्फ जाने काफिला बिहान २:४२ बजी प्रस्थान गरेको थियो भने पहलगामतर्फ जाने काफिला बिहान ३:२७ बजी कडा सुरक्षा व्यवस्थाबीच प्रस्थान भएको थियो।
यस नयाँ जत्थासँगै 2 जुलाईदेखि शुरु भएको अमरनाथ यात्राका क्रममा जम्मूको भगवती नगर आधार शिविरबाट पवित्र गुफा मन्दिरतर्फ प्रस्थान गर्ने तीर्थयात्रीहरूको कुल संख्या ९९,२८७ पुगेको छ।
---------------
हिन्दुस्थान समाचार / भवानी थामी
