गान्धीनगर, 17 जुलाई (हि.स.)। गुजरात आतंकवाद विरोधी टोली (एटीएस) ले प्रतिबन्धित आतंकवादी संगठन जैश-ए-मोहम्मदसँग सम्बन्धित थप पाँच जना अभियुक्तलाई पक्राउ गरेको छ। एटीएसले यसअघि यस घटनामा आठ अभियुक्तलाई पक्राउ गरेको थियो। यी अभियुक्तहरूसँग सोधपुछ गर्दा प्राप्त जानकारीको आधारमा यी पाँच जनालाई पक्राउ गरिएको छ। सबै अभियुक्त गुजरातका विभिन्न जिल्लाका बासिन्दा हुन्। उच्च अदालतले पाँचै जना अभियुक्तलाई आठ दिनको पुलिस हिरासतमा पठाएको छ।

एटीएस अनुसार, पक्रा परेका पाँच अभियुक्तहरू पहिले पक्राउ परेका आठ अभियुक्तहरूसँग सम्पर्कमा थिए र कथित रूपमा विस्फोटक पदार्थको परीक्षण गरिरहेका थिए। अनुसन्धानले यो पनि खुलासा गरेको छ कि अभियुक्तहरूले विभिन्न स्थानमा धेरै पटक विस्फोटक पदार्थको परीक्षण गरेका थिए। अनुसन्धान एजेन्सीले अभियुक्तहरूको मोबाइल फोनबाट बम बनाउने, जिहादी साहित्य र विस्फोटक पदार्थ तयार गर्ने सम्बन्धी जानकारीसँग सम्बन्धित पीडीएफ कागजातहरू जफत गरेको छ। प्रारम्भिक अनुसन्धानले अभियुक्तहरू कट्टरपन्थी विचारधाराबाट प्रभावित भएको र प्रतिबन्धित आतंकवादी संगठन जैश-ए-मोहम्मदसँग सम्बन्धित साहित्य अध्ययन गरिरहेको खुलासा गरेको छ।

एटीएसको अनुसन्धानले यो पनि पत्ता लगायो कि बम बनाउने सामग्रीहरू मुद्दाका कथित मास्टरमाइन्ड मोहम्मद अमिनबाट जफत गरिएको थियो। मोहम्मद अयूब कड़ीवालाले यी सामग्रीहरू प्रयोग गरेर टाइम बम बनाउने प्रयास गरेको आरोप छ, यद्यपि उ असफल भयो। यी सामग्रीहरू पछि बिलाल आबिदभाई शेरालाई हस्तान्तरण गरिएको थियो।

पक्रा परेका पाँच अभियुक्तहरूको नाम:

-बिलाल आविदभाई शेरा

-मोहम्मद अयूब कड़ीवाला

-मोहम्मद पालनपुरी उर्फ खली अयुब सुनसारा

-शफी रईस मुखी

-मोहम्मद हसन हनिफभाई करडिया

पाँचै जना अभियुक्तहरूलाई उच्च अदालतमा पेश गरियो। सुनवाइको क्रममा सहायक सरकारी वकिल (सरकारी अधिवक्ता) पीआर दन्तानीले अदालतमा विस्तृत तर्क प्रस्तुत गर्दै पुलिस हिरासतको माग गरे। उनले कूल 13 मुख्य बिन्दूगरूमा थप अनुसन्धानको आवश्यकता औंल्याए। यसमा टाइम बम बनाउने सामग्री कहाँबाट प्राप्त भयो, कहाँ लुकाइयो, जैश-ए-मोहम्मदसँग सम्बन्धित जिहादी साहित्य र पुस्तकहरू कसले प्राप्त गऱ्यो, राष्ट्रविरोधी गतिविधिहरूको लागि उठाइएको स्रोत र कोषको स्रोत,र अन्य सहयोगीहरूको पहिचान जस्ता महत्त्वपूर्ण मुद्दाहरू समावेश थिए।

सरकारको तर्क स्वीकार गर्दै उच्च अदालतले पाँचै जना अभियुक्तहरूलाई आठ दिनको पुलिस हिरासतमा राख्यो। एटीएसले अब यस आतंकवादी सञ्जालमा संलग्न अन्य व्यक्तिहरू, उनीहरूको आर्थिक स्रोत, विस्फोटक पदार्थको उपलब्धता र कथित षड्यन्त्र पछाड़ीको उद्देश्यको बारेमा गहन अनुसन्धान गरिरहेको छ।

हिन्दुस्थान समाचार / भवानी थामी