जम्मू, १८ जुलाई (हि.स.)। जम्मूको भगवती नगर यात्री निवास आधार शिविरबाट आज कडा सुरक्षा व्यवस्थाबीच ३,६३२ जना अमरनाथ तीर्थयात्रीको अर्को टोली दक्षिण कश्मीर हिमालयस्थित पवित्र गुफा मन्दिरका दुई आधार शिविरतर्फ प्रस्थान गरेको छ। अधिकारीहरूका अनुसार, ३,६३२ तीर्थयात्री १४८ वटा सवारीसाधनको काफिलामा प्रस्थान गरेका हुन्।
यस टोलीमा बालटालतर्फ जाने १,००८ जना र पहलगामतर्फ जाने २,६२४ जना तीर्थयात्री रहेका छन्। यात्रालाई सुरक्षित र व्यवस्थित रूपमा सम्पन्न गराउन नागरिक प्रशासन, पुलिस, सुरक्षा बल तथा श्री अमरनाथ श्राइन बोर्डले संयुक्त रूपमा आवश्यक व्यवस्था मिलाएका छन्।
श्री अमरनाथ यात्राले केवल १५ दिनमै ३.५ लाख तीर्थयात्रीको संख्या पार गर्दै नयाँ ऐतिहासिक कीर्तिमान कायम गरेको छ।
सन् २०२६ को श्री अमरनाथ यात्रा ३ जुलाईदेखि २८ अगस्तसम्म सञ्चालन हुनेछ। यस यात्रामार्फत श्रद्धालुहरू जम्मू-कश्मीरस्थित समुद्री सतहबाट ३,८८८ मिटर उचाइमा रहेको पवित्र गुफा मन्दिरसम्म पुग्छन्। त्यहाँ पुग्न दुई प्रमुख मार्ग छन्- परम्परागत ४८ किलोमिटर लामो पहलगाम मार्ग र छोटो १४ किलोमिटर लामो बालटाल मार्ग।
हिन्दुस्थान समाचार / भवानी थामी
