नयाँ दिल्ली, १८ जुलाई (हि.स.)। दिल्लीको जन्तर-मन्तरमा विगत २० दिनदेखि अनशनमा बसेका वातावरणविद् सोनाम वाङ्चुकलाई सफदरजंग अस्पतालमा भर्ना गराइएको घटनाको सामाजिक सञ्जाल अभियान ककरोच जनता पार्टी (सीजेपी) ले कडा आलोचना गरेको छ।
सीजेपी प्रमुख अभिजीत दीपकेले सञ्चारमाध्यमसँग कुरा गर्दै दिल्ली पुलिसले आफ्नो अनुपस्थितिमा सोनाम वाङ्चुकलाई धरनास्थलबाट उठाएको बताए। उनका अनुसार, वाङ्चुकलाई उठाउनुअघि पुलिसहरूले उनलाई उनका एक जना साथीलाई निगरानीमा राखेका थिए, जहाँ उनी बिहान दैनिक कार्यका लागि गएका थिए। उनले त्यहाँ उपस्थित विद्यार्थीहरूसँग पनि पुलिसले हातपात गरेको आरोप लगाए।
दीपकेले अब यो शान्तिपूर्ण आन्दोलनलाई निरन्तरता दिइने र आजदेखि आफूहरू पनि अनशनमा बस्ने बताए। उनले देशभरका जनतालाई यो विरोध प्रदर्शनलाई शान्तिपूर्ण रूपमा नै जारी राख्न तथा कसैले पनि आन्दोलनका नियम नतोड्न अपील गरे।
सीजेपीका राष्ट्रिय प्रवक्ता सौरव दासले दिल्ली पुलिसले उच्च न्यायालयको आदेशको गलत व्याख्या गर्दै त्यसलाई आफ्नो कारबाहीलाई सही ठहराउन प्रयोग गरिरहेको आरोप लगाए। उनका अनुसार, यसरी अदालतको आदेशको गलत व्याख्या गर्नु अदालतको अवमानना हो। यस क्रममा जन्तर-मन्तरमा उपस्थित विद्यार्थी र सीजेपी समर्थकहरूले सरकारविरुद्ध नाराबाजी गरेका थिए।
उता, दिल्ली पुलिसले उच्च न्यायालयको आदेश र सोनाम वाङ्चुकको लगातार बिग्रँदै गएको स्वास्थ्य अवस्थालाई ध्यानमा राख्दै उनलाई सफदरजंग अस्पतालमा भर्ना गरिएको जनाएको छ। प्रदर्शनस्थलबाट उनलाई अस्पताल लैजाँदै गर्दा सीजेपी कार्यकर्ताहरूले अवरोध सिर्जना गरेको पुलिसको भनाइ छ। पुलिसले सबै सीजेपी कार्यकर्तालाई शान्तिपूर्ण रूपमा जन्तर-मन्तर खाली गर्न अनुरोध गरेको छ।
हिन्दुस्थान समाचार / भवानी थामी
