श्रीनगर, 0२ जुलाई (हि.स.)। जम्मू-कश्मीरको पिपल्स डेमोक्रेटिक पार्टी (पीडीपी) की अध्यक्ष महबुबा मुफ्ती इरानका सर्वोच्च नेता आयातोल्लाह अली खामेनेईलाई अन्तिम श्रद्धाञ्जली अर्पण गर्न तेहरान जाने भएकी छन्।
इरानका सर्वोच्च नेताको कार्यालय अन्तर्गत अन्तरराष्ट्रिय सम्बन्ध विभागका निदेशक मोहसिन कुम्मीले महबुबा मुफ्तीलाई भारतका विशिष्ट अतिथिका रूपमा अन्त्येष्टि समारोहमा सहभागी हुन औपचारिक निमन्त्रणा दिएका छन्।
पीडीपी अध्यक्ष महबुबा मुफ्तीले भनिन्, “इरानबाट यस्तो निमन्त्रणा प्राप्त गर्नु मेरो लागि ठूलो सम्मानको विषय हो र जीवनमा एकपटक मात्र प्राप्त हुनसक्ने अवसर हो। म सर्वोच्च नेतालाई अन्तिम श्रद्धाञ्जली दिन त्यहाँ जानेछु।”
निमन्त्रणापत्रमा उल्लेख गरिए अनुसार, “ग्रान्ड आयातोल्लाह सैयद अली खामेनेईको २८ फरवरीमा हत्या गरिएको थियो र राष्ट्रिय शोक अवधि तथा इस्लामिक गणतन्त्र इरानको प्रोटोकल अनुसार ३ देखि ६ जुलाईसम्म तेहरानमा राजकीय अन्त्येष्टि कार्यक्रम आयोजना गरिनेछ।”
महबुबा मुफ्तीलाई सम्बोधन गरिएको पत्रमा भनिएको छ, “इरान र भारत गणराज्यबीच रहेको गहिरो ऐतिहासिक तथा रणनीतिक सम्बन्धलाई ध्यानमा राख्दै भारतीय राष्ट्रका एक विशिष्ट अतिथिका रूपमा तपाईलाई यस समारोहमा आमन्त्रण गर्न पाउँदा हामी गौरवान्वित छौं। तपाईको उपस्थितिले दुई महान् प्राचीन सभ्यताबीचको गहिरो मित्रता र पारस्परिक सम्मानको प्रमान हुनेछ।”
कार्यक्रम अनुसार सर्वोच्च नेतालाई ३ जुलाईमा तेहरान स्थित इमाम खुमैनी ग्रान्ड मोसल्ला कम्प्लेक्समा अन्तिम श्रद्धाञ्जली अर्पण गरिनेछ। त्यसपछि ४ जुलाईमा श्रद्धाञ्जली सभा आयोजना गरिनेछ भने ६ जुलाईमा अन्तिम यात्रा निकालिने कार्यक्रम रहेको छ।
हिन्दुस्थान समाचार / भवानी थामी
05 Jul 2026
