योग्याकार्ता, 08 जुलाई (हि.स.)। प्रधानमन्त्री नरेन्द्र मोदी र इण्डोनेशियाली राष्ट्रपति प्रबोवो सुबियान्तोले बुधवार संयुक्त रूपमा इण्डोनेशियाको योग्याकार्ता स्थित विश्व प्रसिद्ध प्रम्बानन मन्दिर परिसरको संरक्षण र पुनर्स्थापना परियोजनाको शुरूआत गरे। यो यूनेस्को विश्व सम्पदा स्थल इण्डोनेशियाको सबैभन्दा ठूलो हिन्दू मन्दिर हो। भगवान शिवलाई समर्पित यो 10औं शताब्दीको ऐतिहासिक स्थल भारत-इण्डोनेशियाको साझा सांस्कृतिक सम्बन्धको महत्त्वपूर्ण प्रतीक मानिन्छ।

परियोजनाको शुरूआतमा प्रधानमन्त्री मोदीले भगवान शिवसँग सम्बन्धित पवित्र स्थलहरूको सेवा र संरक्षण गर्ने अवसर बारम्बार पाउनु यो उनको सौभाग्य रहेको बलताए। उनले भने, उनको जन्म गुजरातको वडनगरमा भएको थियो, जहाँ प्रसिद्ध हाटकेश्वर महादेवको प्रसिद्ध तीर्थ छ। बाह्र ज्योतिर्लिंगहरूमध्ये पहिलो सोमनाथ पनि गुजरातमा अवस्थित छ र उनले यसको विकासमा प्रत्यक्ष भूमिका खेल्ने अवसर पाए। उनले थप भने, काशी विश्वनाथ उनको राजनीतिक करियरको केन्द्रबिन्दु रहेको छ, जहाँ उनले निरन्तर बाबा विश्वनाथको आशीर्वाद प्राप्त गर्दै आएका छन्।

प्रधानमन्त्रीले केदारनाथ धामको पुनर्निर्माण र उज्जैन स्थित महाकालको विकासपछि अब लगभग 1000 देखि 1200 वर्ष पुरानो ब्रह्मा, विष्णु र महेशसँग सम्बन्धित यस महान सांस्कृतिक सम्पदाको पुनर्स्थापना कार्यको उद्घाटन गर्नु आफ्नो लागि ठूलो सौभाग्यको कुरा भएको बताए। उनले यो ऐतिहासिक अवसरको साक्षी हुन पाउँदा आफूलाई भाग्यशाली ठानेको बताए।

मोदीले भने, इण्डोनेशियाको आफ्नो भ्रमणको तेस्रो दिन पनि उनले यहाँको हावा र जीवनमा भारतीय संस्कृतिको सुगन्ध महसुस गर्न पाए, जुन भारतीय माटोमा अनुभव हुन्छ। उनले इण्डोनेशियाका जनता र विभिन्न कालखण्डमा यहाँ शासन गर्ने सबैलाई लगभग 1200 वर्षसम्म यो सम्पदाको संरक्षण गरेकोमा कृतज्ञता व्यक्त गरे।

प्रधानमन्त्रीले भने, चाहे त्यो ल्हासाबाट कैलाश मानसरोवरको यात्रा होस् वा इण्डोनेशियाको पवित्र प्रम्बानन मन्दिर, महामृत्युंजय मन्त्र र 'ओम नमः शिवाय' को जप जताततै सुन्न सकिन्छ। उनले यो दृश्य अत्यन्तै भावुक भएको बताए। उनले विश्व सम्पदा स्थलको रूपमा तोकिएको यस भव्य मन्दिर परिसरको पुनर्स्थापनाले ठूलो संख्यामा भारतीय भक्तजन र पर्यटकहरूलाई आकर्षित गर्ने विश्वास व्यक्त गरे।

उनले भने, भारतको सांस्कृतिक सम्पदा विश्वको जुनसुकै ठाउँमा गएपनि स्पष्ट देखिन्छ। प्रम्बानन मन्दिर दक्षिणपूर्वी एशियामा भारतीय सांस्कृतिक सम्पदाको सबैभन्दा महत्त्वपूर्ण प्रतीकहरूमध्ये एक हो। मन्दिर परिसरमा भगवान शिव, देवी दुर्गा र भगवान गणेशका मूर्तिहरू छन् र शताब्दीयौंदेखि गहिरो विश्वासका साथ पूजा गरिएको छ।

प्रधानमन्त्री मोदीले यस मन्दिरमा भ्रमण र पूजा गर्न पाउनु आफ्नो व्यक्तिगत सौभाग्य भएको बताए, जसलाई उनले आफ्नो जीवनको गहिरो र अविस्मरणीय क्षण बताए। उनले भारत र इण्डोनेशियाबीचको मित्रतालाई अझ् सुदृढ़ पार्न, दुवै देशका नागरिकहरूको कल्याणको लागि र दुवै देशको द्रुत विकासको लागि भगवानसँग प्रार्थना गरे। उनले पुनर्स्थापना परियोजना 2029 अघि पूरा हुने विश्वास व्यक्त गरे र यसको समाप्तिपछि, उनी निश्चित रूपमा पुन: प्रम्बानन मन्दिरको भ्रमण गर्नेछन्।

हिन्दुस्थान समाचार / भवानी थामी