दुर्गापुर, 17 अगस्त (हि.स.)। दुर्गापुर सर्किट हाउसमा गए आइतवार राती परिवहन व्यवस्थासित जोड़िएका विभिन्न महत्वपूर्ण विषयहरूलाई लिएर राज्यका परिवहन एवं श्रम मन्त्री अर्जुन सिंहको नेतृत्वमा समीक्षा बैठक आयोजना गरियो। बैठकमा बस सेवाहरूको विकास, यात्रीहरूलाई श्रेष्ठ सुविधा उपलब्ध गराउनु, विभिन्न मार्गहरूमा बस सेवाहरूको प्रभावशीलता तथा राजस्व सङ्ग्रह बढ़ाउने सहित केही मुद्दाहरूमा विस्तृत चर्चा भयो।
बैठकमा विधायक लक्ष्मण चन्द्र घोरुई एवं चन्द्रशेखर ब्यानर्जी, एसबीएसटीसीका एमडी, डिप्टी एमडी समेत अन्य अधिकारी तथा पश्चिम बर्धमानका आरटीओ र परिवहन विभागीय अधिकारीहरू उपस्थित थिए।
परिवहन मन्त्री अर्जुन सिंहले बताए, बैठकमा परिवहन व्यवस्थालाई अधिक प्रभावकारी तथा जनोन्मुखी बनाउनेमाथि विशेष बल दिइयो। विभिन्न मार्गहरूमा बस सेवाहरूको स्थितिको समीक्षा गर्दै यात्रीहरूको सुविधा, समयबद्ध सेवा तथा सेवाको गुणस्तरमा सुधार गर्ने उपायहरूमाथि चर्चा भयो।
साथै राजस्व सङ्ग्रह बढ़ाउनको लागि प्रभावकारी कदम उठाउनेमाथि पनि बल दिइयो। बैठकमा भनिने, परिवहन व्यवस्थाको प्रत्येक स्तरमा गुणस्तरीय, समयबद्ध औ जनहितकारी सेवाहरू सुनिश्चित गर्नु प्राथमिक लक्ष्य हो।
अधिकारीहरूलाई सेवा व्यवस्थालाई अझ राम्रो तथा यात्रीहरूको समस्या समाधान गर्नको लागि आवश्यक कदम उठाउने निर्देश समेत दिइयो।
बैठकमा प्रधानमन्त्री नरेन्द्र मोदीको ‘विकसित बङ्गाल, विकसित भारत’- को लक्ष्यलाई साकार बनाउने तथा मुख्यमन्त्री शुभेन्दु अधिकारीको नेतृत्वमा पश्चिम बङ्गालमा श्रेष्ठ अनि सुव्यवस्थित परिवहन व्यवस्था विकसित गर्ने प्रतिबद्धता पनि व्यक्त गरियो।
हिन्दुस्थान समाचार / उष्णता छेत्री शर्मा
