इम्फाल, 17 अगस्त (हि.स.)। मणिपुरमा सुरक्षा बलहरूले बितेको 24 घण्टाभित्रमा सञ्चालित भिन्न-भिन्न अभियानहरूमा विभिन्न उग्रवादी सङ्गठनसित आवद्ध तीन जना सक्रिय क्याडर तथा दुई जना ड्रग्स तस्करहरूलाई पक्राउ गऱ्यो। यस अवधि एउटा एके-56 राइफल, गोला-बारूद औ 5.8 किलोग्राम संदिग्ध याबा ट्याबलेट पनि जफत गरियो।

मणिपुर पुलिस मुख्यालयले आज बताएको छ, गत 16 अगस्तको दिन सरक्षा बलहरूले इम्फाल पश्चिम जिल्लाका भिन्न-भिन्न स्थानहरूबाट आरपीएफ/पीएलएका दुई जना सक्रिय क्याडरहरूलाई पक्राउ गरे। यी आरोपीहरूको पहिचान विष्णुपुर जिल्लाको नापत अवाङ्ग लिकाई निवासी 19 वर्षीय खुमङ्थेम लानचेनबा मैतेई र इम्फाल पश्चिमको ल्याङ्गजिङ्ग निवासी 25 वर्षीय ग्रेटसन लोउरेम्बम उपनाम गेरेको रूपमा भएको छ। लानचेनबालाई वाङ्गोई थाना क्षेत्रको थियाम लिशाङ्गखोङ्ग र गेरेलाई सेकमाई थाना क्षेत्रको अवाङ्ग लेइकिनथाबी शान्तिपुरबाट पक्राउ गरिएको हो।

यसपूर्व जिरीबाम जिल्लाको बोरोबेकरा थाना क्षेत्रको खोजौल औ चौधरीखालमा सञ्चालित अभियानमा सुरक्षा बलहरूले एउटा एके-56 राइफल, एउटा म्यागजिन, चार वटा जिउँदो कारतूस औ 9 एमएम पिस्टोलको तीन वटा खाली कारतूस जफत गरे।

16 अगस्तकै दिन सेनापति जिल्लामा एनएच-02 को किनार खोङ्गनेम थाना क्षेत्रबाट दुई जना मानिसहरूलाई पक्राउ गरियो जसको पहिचान थौबल जिल्लाको काकचिङ्ग बजारस्थित सोरा मामाङ्ग लिकाई निवासी ड्रग्स तस्कर 32 वर्षीय मोहम्मद सलिमुद्दीन औ इम्फाल पश्चिमका वाङ्गोई निवासी 27 वर्षीय बीएम हाफिज अनिशको रूपमा भएको छ। यिनीहरूको कब्जाबाट संदिग्ध याबा ट्याबलेटको 13 वटा प्याकेट जसको वजन 5.8 किलोग्राम छ, तथा एमएन01एएस-6572 नम्बरको एउटा आई20 कार जफत गरिएको छ।

एक अन्य कारबाहीमा सुरक्षा बलहरूले यूएनएलएफ (के)- का सक्रिय क्याडर नङ्गोम शान्ता मैतेई उपनाम माइकल (45)-लाई इम्फाल पश्चिम जिल्लाको रिम्स रोड क्षेत्रबाट पक्राउ गरे जो इम्फाल पूर्वी जिल्लाको लाउसाङ्गखोङ्ग अवाङ्ग लिकाई निवासी रहेको बताइएको छ।

हिन्दुस्थान समाचार / उष्णता छेत्री शर्मा