नयाँ दिल्ली, 19 अगस्त (हि.स.)। दिल्लीकी मुख्यमन्त्री रेखा गुप्ताले भनिन्, आम आदमी पार्टी (आआपा)- का पूर्व मन्त्री सत्येन्द्र जैनले दिल्ली जल बोर्डमा घोटाला गरेका थिए, त्यसैले उनी जेलमा थुनिएका हुन्। सबै एजेन्सीहरूले आफ्नो काम गरिरहेका छन्।

मुख्यमन्त्रीले बुधवार दिल्ली विश्वविद्यालय स्पोर्ट्स कम्प्लेक्समा आयोजित कार्यक्रमदेखि भिन्नै पत्रकारहरूलाई सम्बोधन गर्दै भने, दिल्ली सरकारले सदनमा 19 सीएजी रिपोर्टलाई राख्यो जुन पछिल्लो आम आदमी पार्टी (आआपा) सरकार र उसका मुखिया केजरीवालको एउटा-एउटा घोटाललाई प्रस्तुत गर्थ्यो। सबै सीएजी रिपोर्टमाथि कारबाही भइरहेको छ। सत्येन्द्र जैनले जल बोर्डमा घोटाला स्क्याम गरेका थिए, त्यसैको निम्ति उनी जेल गएका हुन्।

दिल्लीका जल मन्त्री प्रवेश साहिब सिंहले आज एक्समा पोस्ट गरी बताए, सत्ता जवाफदेहीमा ढिल्याई गरे पनि त्यसलाईसमाप्त गर्न सक्दैन। जल बोर्डको एसटीपी टेण्डर प्रक्रियामा भएको गड़बड़ीको कारणले अब पूर्व मन्त्री सत्येन्द्र जैन पक्रा परेका हुन्। कुर्सी फेरिनसक्छ, तर फाइलहरू त त्यहीँ हुन्छन्।

दिल्लीका पर्यावरण मनजिन्दर सिंह सिरसाले एक्समा पोस्ट गर्दै भने, केजरीवाल ग्याङ्को हरेक विभागमा घोटालाको मात्र ट्र्याक रेकर्ड छ। एसटीपी घोटालामा सत्येन्द्र जैनको पक्राउले स्पष्ट पारेको छ, पैसाहरूको व्यापक वितरण भएको छ। एसीबीको जाँचमा मनी ट्रेल सामु आएको छ। केजरीवालको लोभले माँ यमुनाको सफाईसम्मको पैसा छोड़ेन। उनले सारा पैसा झुटो विज्ञापन र शिशमहलको आराममा उड़ाइदिए। केजरीवाल र आआपाका पापहरूको घैलो भरिसकेको छ।

हिन्दुस्थान समाचार / उष्णता छेत्री शर्मा