लखनऊ, 20 अगस्त (हि.स.)। उत्तर प्रदेशको राजधानी लखनऊको गोमतीनगरमा बिहिवार एक निजी ब्याङ्ककी एक महिला कर्मचारीको गोली हानी हत्या गरिएको छ। सूचना पाएपछि पुलिस घटनास्थलमा पुग्यो र शवलाई पोस्टमार्टमका लागि पठाइएर घटनाको अनुसन्धान शुरु गरेको छ।

गोमतीनगर पुलिस थाना क्षेत्रको विवेक खण्ड स्थित एक निजी कम्पनीको ब्याङ्क नजिकै महिला कर्मचारीको गोली हानी हत्या गरियो। घाइते महिलालाई उपचारका लागि लोहिया अस्पताल लगियो, जहाँ डाक्टरले उनलाई मृत घोषणा गरे। सूचना पाएपछि पुलिसको एउटा टोली घटनास्थलमा पुग्यो र अनुसन्धान शुरु गरेको छ।

प्रारम्भिक अनुसन्धानले ती महिलाको पहिचान आलमबाग निवासी दिव्या मिश्राका रूपमा गरेको छ। उनी ब्याङ्कमा सहायक प्रबन्धकका रूपमा काम गरिरहेकी थिइन्। उनी विगत एक वर्षदेखि पतिसँग उनको झगड़ा चलिरहेको छ। उनले सम्बन्धविच्छेदका लागि अदालतमा अपील पनि गरेकी थिइन्।

यसैबीच सूचना पाएपछि घटनास्थलमा पुगेको पुलिसले फरेन्सिक टीमको साथ अनुसन्धान शुरु गरेको छ। कसैले उनलाई ब्याङ्कबाट बाहिर बोलाएको अनुसन्धानबाट थाहा भयो। कुराकानीका क्रममा अभियुक्तले महिलालाई गोली हानेर भाग्यो। गोमतीनगर थाना प्रभारीले आक्रमणकारीको खोजीमा थुप्रै टोली तैनाथ गरिएको र घटनाको खुलासा चाँड़ै हुने जानकारी दिए। पुलिसले महिलाको पतिलाई पनि सोधपुछ गरिरहेको छ।

/ बिशाल