नयाँ दिल्ली, 21 अगस्त (हि.स.)। केन्द्रिय पर्यावरण, वन एवं जलवायु परिवर्तन मन्त्री भूपेन्द्र यादवले शुक्रवार अस्ट्रेलियाका जलवायु परिवर्तन एवं ऊर्जा मन्त्री क्रिस बोवेनसँग भर्चुअल बैठक गरेका छन्। यस वर्षको संयुक्त राष्ट्र जलवायु सम्मेलन (कोप-31) अघि जलवायु परिवर्तन र विश्वव्यापी जलवायु वार्ताहरूसँग सम्बन्धित प्रमुख मुद्दाहरूमा छलफल गरियो।

बैठकका क्रममा दुई नेताले जलवायु परिवर्तनको चुनौतीलाई सम्बोधन गर्न विश्वव्यापी सहयोग र प्रभावकारी जलवायु कार्यको आवश्यकताबारे छलफल गरे। प्रधानमन्त्री नरेन्द्र मोदीको नेतृत्वमा जलवायु परिवर्तनको चुनौतीसँग जुध्ने विश्वव्यापी प्रयासमा भारत निरन्तर समाधानको हिस्सा रहेको भूपेन्द्र यादवले बताए।

उनले जलवायु परिवर्तनसँग जुध्न सबै देशहरूबीच सहयोग र सामूहिक प्रयास आवश्यक रहेको भन्दै जलवायु कार्यप्रति भारतको प्रतिबद्धतालाई दोहोऱ्याए। भारतले विश्वव्यापी जलवायु लक्ष्यहरू प्राप्त गर्न आफ्नो जिम्मेवार भूमिका निर्वाह गर्न जारी राख्नेछ।

अस्ट्रेलियाका जलवायु परिवर्तन एवं ऊर्जा मन्त्री क्रिस बोवेनले जलवायु परिवर्तनसँग जुध्न दीर्घकालीन समाधानहरू विकास गर्न भारतको सकारात्मक दृष्टिकोण र सहयोगी भूमिकाको प्रशंसा गरे।

दुवै नेताले जलवायु परिवर्तनका मुद्दाहरूमा भारत र अष्ट्रेलियाबीचको सहयोगलाई अझ् सुदृढ़ पार्ने र आगामी विश्वव्यापी जलवायु वार्तामा मिलेर काम गर्ने प्रतिबद्धता व्यक्त गरेका छन्। कोप-31 अघि दुई देशबीचको जलवायु समन्वयलाई सुदृढ़ पार्न यो बैठक महत्त्वपूर्ण मानिएको छ।

हिन्दुस्थान समाचार / भवानी थामी