नयाँ दिल्ली, 21 अगस्त (हि.स.)। प्रधानमन्त्री नरेन्द्र मोदीले शुक्रवार सेवा तीर्थमा देशका 20 वटा स्पेस स्टार्टअपका सीइओ र संस्थापकहरूसँग कुराकानी गरे। यस अवधि अन्तरिक्ष क्षेत्रमा भारतका निजी कम्पनीहरूको बढ्दो क्षमता, विश्वव्यापी रूपमा भारतीय अन्तरिक्ष प्रविधिको बढ्दो माग र अन्तरिक्ष क्षेत्रको भविष्यका सम्भावनाहरूबारे छलफल गरियो।

प्रधानमन्त्री कार्यालय अनुसार, बैठकमा रकेट निर्माण, पुनः प्रयोज्य अन्तरिक्ष यान र प्रक्षेपण यान, उपग्रह, अन्तरिक्षसँग सम्बन्धित इलेक्ट्रोनिक प्रणाली, नयाँ प्रविधिको रकेट इन्जिन, अन्तरिक्ष र रक्षा जानकारी, अन्तरिक्षको भग्नावशेष हटाउने, कृत्रिम बुद्धिमत्ताको सहयोगमा स्थानीय मौसम र जलवायु जानकारीसँग सम्बन्धित प्रविधिमा काम गरिरहेका स्टार्ट अपका प्रमुखहरू उपस्थित थिए।

स्टार्टअप प्रमुखहरूले अन्तरिक्ष क्षेत्रमा निजी कम्पनीहरूलाई सञ्चालन गर्न अनुमति दिने सरकारको निर्णयको प्रशंसा गरे। यस निर्णयले उद्योगका लागि धेरै नयाँ अवसर सिर्जना गरेको उनले बताए। विश्वका धेरै देशका कम्पनीहरूले भारतका निजी अन्तरिक्ष कम्पनीहरूले विकास गरेका प्रविधिहरू अपनाउन र प्रयोग गर्न चाँसो देखाउँदै गरेको उनले जानकारी दिए।

प्रधानमन्त्रीले अन्तरिक्ष क्षेत्रसँग सम्बन्धित उद्यमीहरूलाई आफ्नो प्रविधिको नयाँ प्रयोगहरू अन्वेषण गर्न र आम जनको जीवनलाई सजिलो बनाउने प्रविधिको विकासमा ध्यान केन्द्रित गर्न आग्रह गरे।

मोदीले अन्तरिक्ष उद्योग र समाजको विकाससँग सम्बन्धित अन्य क्षेत्रहरूबीच सहयोग बढ़ाउन पनि जोड दिए। अन्तरिक्षबाट फोहोर हटाउने प्रविधिमा काम गर्ने कम्पनीहरूले पर्यारणीय संस्थाहरूसँग काम गर्नसक्ने उनले बताए। त्यसैगरी, कृषिका लागि अन्तरिक्ष प्रविधि विकास गर्ने कम्पनीहरूले कृषि विश्वविद्यालय र सरकारी विभागहरूसँग मिलेर किसानहरूलाई राम्रो निर्णय लिन र उत्पादन बढ़ाउन मद्दत गर्न सक्छन्।

भारतले यस्तो मोहल सिर्जना गरोस् कि जब विश्वले अन्तरिक्ष क्षेत्रको बारेमा सोच्छ, यसको आँखा भारततिर हुनुपर्छ। देशको अन्तरिक्ष क्षेत्र विश्वभरिबाट प्रतिभा, कम्पनी र लगानी आकर्षित गर्ने केन्द्र बन्नसक्ने उनले बताए।

उनले अटल टिङ्करिङ ल्याब्ससँग अन्तरिक्ष क्षेत्रका कम्पनीहरूको सहकार्य बढ़ाउन सुझाव दिए। यसले बच्चाहरूमा कम उमेरदेखि नै अन्तरिक्षमा जिज्ञासा र चासो जगाउन मद्दत गर्नेछ, प्रधानमन्त्रीले भने।

यस अन्तरक्रियामा स्काइरूट एरोस्पेस, अग्निकुल कोस्मोस, पिक्सेल, ध्रुव स्पेस, ग्यालेक्सआई, पियरसाइट, बेलाट्रिक्स एरोस्पेस, दिगन्तरा, स्याट्सुर, सुहोरा टेक्नोलोजी, मनस्तु स्पेस, एस्ट्रोबेस, टेकमी2स्पेस, व्योमआईसी, कोस्मोसर्व स्पेस, अर्बिटएड एरोस्पेस, स्काईसर्व (हाइस्पेस), सेरेन्डिपिटी स्पेस, वासर ल्याब्स र मिस्टईओका प्रमुख र संस्थापकहरूले भाग लिए।

/ बिशाल