इस्लामाबाद, २८ अगस्त (हि.स.)। पाकिस्तानको पेशावरमा आतङ्कवाद विरुद्धको विभाग (काउन्टर टेररिज्म डिपार्टमेन्ट) ले सञ्चालन गरेको गोप्य सूचनामा आधारित अभियानमा चार जना संदिग्ध आतङ्की मारिएका छन्। बिहीबार मिराकचोरी क्षेत्रस्थित मेहर गुल काले कब्रिस्तानमा भएको भिडन्तमा आतङ्की मारिएका हुन्।

मिडिया रिपोर्टका अनुसार, घटनास्थलबाट तीनवटा कलाश्निकोभ राइफल, एउटा पेस्तोल, एउटा ह्यान्ड ग्रेनेड, सातवटा म्यागजिन तथा ठूलो परिमाणमा गोली बरामद गरिएको छ।

पुलिस अधिकारीहरूले जनाएअनुसार, मारिएका आतङ्की मध्ये एक जनाको पहिचान अफगानिस्तानको नंगरहार निवासी अब्दुल गनीका छोरा सैयद वलीका रूपमा भएको छ। उनको साथबाट अफगान शरणार्थी परिचयपत्र पनि बरामद गरिएको छ।

प्रारम्भिक अनुसन्धानका आधारमा सैयद वली अफगानिस्तानबाट पाकिस्तान प्रवेश गरेका तीन आत्मघाती आक्रमणकारीमध्ये एक हुन सक्ने आशंका गरिएको छ। पुलिसका अनुसार, भिडन्तका क्रममा गोली चलाउँदै फरार भएका अन्य संदिग्ध आतङ्कीहरूको खोजी तथा पक्राउका लागि क्षेत्रमा व्यापक खोजी अभियान सञ्चालन भइरहेको छ।

हिन्दुस्थान समाचार / बिशाल