गान्तोक, 01 सेप्टेम्बर (हि.स.)। उत्तर सिक्किमको मङ्गन जिल्लामा भूकम्प गएको छ। नेशनल सेन्टर फर सिस्मोलोजीले जारी गरेको आधिकारिक तथ्याङ्क अनुसार, मङ्गलबार बिहानै मङ्गन जिल्लामा ३.९ तीव्रताको भूकम्प गएको छ।

भूकम्प बिहान ०१:४८:०४ बजी दर्ता गरिएको थियो। भूकम्पको केन्द्रविन्दु मङ्गनमा २७.६३८° उत्तर अक्षांश र ८८.७६६° पूर्व देशान्तरमा जमिनको सतहबाट ७ किलोमिटरको गहिराइमा रहेको थियो।

सतह नजिकै केन्द्रविन्दु भएकाले उत्तर सिक्किमका केही स्थानीय क्षेत्रहरूमा हल्का धक्का महसुस गरिएको थियो। यद्यपि, भूकम्पको तीव्रता कम भएकाले हालसम्म यस क्षेत्रबाट कुनै मानवीय क्षति वा भौतिक नोक्सानीको खबर प्राप्त भएको छैन।

---------------

हिन्दुस्थान समाचार / बिशाल